share this article

مش هتحتاج أنبوبة بوتاجاز علشان تولع نار في التخييم، الموضوع أبسط من كده. بس هتحتاج قبل ما تعمل رحلة تخييم تستعد كويس جدًا. لازم تبقى عارف كويس الظروف اللي هتخيم فيها علشان تحضر لها، وعلشان كمان متاخدش معاك حاجات زيادة وإنت مش هتحتاجها. بمساعدة خبراء التخييم  Muricata Adventures، حضرنا 9 قوائم لكل حاجة ممكن تحتاجها وإنت طالع تخيم.

السلامة والعناية الشخصية

دي من أهم الحاجات اللي لازم تحضرها قبل ما تعمل تخييم. الطبيعة حلوة آه بس زعلها وحش ولازم تكون مستعد لو ده حصل. اتأكد إن عدة الإسعافات الأولية معاك وفيها كل اللي فوق ده، علشان لو نسيت حاجة غالبًا هتطلع دي الحاجة اللي هتحتاجها هناك.

مستلزمات شخصية

شنطتك هي سلاحك في التخييم، وفيها تقدر تحط كل حاجة هتحتاجها والأكل بتاع الرحلة. متنساش تاخد فلوس، بطاقتك الشخصية، وأي مستندات تانية ممكن تحتاجها.

المخيم

مش هتحتاج تبقى ماشي بقاذفة لهب علشان تنور لنفسك وإنت داخل الحمام الفجر في غابةٍ ما. في حاجات كتير ممكن تاخدها معاك وهتلاقي ليها استعمالات كتير زي الحبل اللي هتعلقه بين شجرتين وهيبقى حبل غسيل. وبرضه الفاس اللي معاك مش علشان تهزر مع صحابك، ده علشان تقطع بيه الخشب.

النوم

حاول تاخد معاك خيمة أكبر من عدد الناس اللي هيناموا فيها، علشان تلاقي مكان تشيلوا فيه حاجتكم وعلشان متبقاش نايم في حضن اللي جمبك من الزحمة. ومتنساش تاخد معاك خوازيق (أوتاد) الخيمة بدل ما تصحى تلاقي الخيمة طارت في حتة وإنت نايم جنب أسد ولا حاجة

المطبخ

نصيحة، بلاش تاخد معاك أطباق ومعالق وكوبايات بلاستيك علشان متبوظش المكان والطبيعة الجميلة اللي هتقعد فيه. 

الأكل


مش هتضطر تطبخ وتاكل لوحد زي البيت في التخييم، لإن الطبخ مع ناس تجربة ممتعة وهتبقى عايز تعمل كده. لازم تبقى محضّر الحاجات المناسبة والأكل الصح.

الملابس الصيفية

اللبس هو أكتر حاجة مش هتعرف تسيطر عليها في التخييم، علشان كده لازم تخطط كويس وتعمل حساب المكان والجو وتحاول تعمل حساب أي تغيير في الجو. ومش هينفع برضه تيجي تتسلق جبل جبل وإنت لابس شبشب، شكلها مش حلو وهتموت غالبًا.

الملابس الشتوية

لازم برضه تعمل حساب الجو لو برد، علشان مش هيتفع تطلع تخييم في الشتاء وإنت مش معاك اللبس المناسب. لو خدت معاك اللبس اللي بينشف بسرعة هيسهل عليك حياتك، وكمان لازم تجهز نفسك للجو.

ألعاب

إنت مهربتش من المدينة والزحمة والتكنولوجيا علشان تقعد تلعب ف الموبايل، بس برضه مش هتقضيها تأمل في النجوم والجبال بس – في شوية حاجات ممكن تاخدها معاك تسليك وإنت بتعمل تخييم.