شارك معانا

موقع Safareya بقى صوت كل المغامرين وكل اللي بيسافروا من الشرق الأوسط وشمال أفريقيا، وده بيخليك إنت أهم جزء من الصوت ده.

احنا دايمًا بندور على ناس جديدة – عندهم أفكار مختلفة ومنعشة مناسبة لأسلوب Safareya – تكتب معانا. لو عندك قصة مناسبة ل"احكي" وعايز تشاركها معانا، هنبقى مبسوطين إننا ننشرها بشرط إنها تكون محققة الحاجات دي:

- القصة بتاعتك مناسبة لأسلوب ودماغ Safareya والشخصية بتاعتنا. خد لفة في مواضيعنا قبل ما تبعت لنا قصتك.
- يا إنت يا القصة بتاعتك ليكوا علاقة بالشرق الأوسط وشمال أفريقيا.
- القصة اللي بتحكيها تكون عن تجربتك إنت الشخصية.
- "أنا طلعت دهب وانبسطت" دي ما تعتبرش قصة، لازم تحكي كل التفاصيل، وتحط لينك لكل حاجة استخدمتها، عشان اللي يحب يجرب يعمل زيك ويروح نفس الأماكن، مش لازم يبقى فيه هدف تربوي ورا قصتك ولا أخلاقي، احنا مش "يوميات ونيس". المتعه في حد ذاتها هدف، بس ساعد الناس تستمتع زيك.
- قصتك مكتوبة باللغة العربية، يُفضل العامية المصرية لو انت من مصر(لكن مش شرط)، لكن لو من أي دولة تانية بنرحب بكتابتك دايما بالفصحى. و ياريت متبقاش مليانة غلطات إملائية، القصص اللي هتاخد مجهود في تظبيطها أكتر من كتابتها مع الأسف مش هنقدر نقبلها، مع اننا نتمنى نقبل كل القصص.
- القصة متزيدش عن 1500 كلمة وما تقلش عن 700 كلمة .
- تقدر تبعت مع القصة على الأقل 3 صور بجودة عالية من رحلتك، حاول يبقوا صور مبهجة وألوانها حلوة، والحجم مش أكتر من 200-300 كيلوبايت.

لو محقق كل الشروط دي تقدر تبعت لنا قصتك مع كلمتين عنك، وصورة مربعة ليك علشان تتحط في المقال – وبرضه ممكن تبعت لينكات لحساباتك على السوشيال ميديا، عشان الناس تقدر تعرفك وتوصلك.

اللي عايزين يبعتوا أي حاجة غير قصة سفر، ممكن يشوفوا دليل المشاركة بتاعنا قبل ما تبعتلنا فكرتك.

إيه اللي هيحصل بعد كده؟
بعد ما تبعت لنا الفكرة أو القصة، هتاخد وقت ممكن يوصل لأسبوعين علشان نرد عليك إذا كنا هنكمل وننشرها، أو لو محتاجينك تعدل حاجات فيها، أو مع الأسف مش هنقدر نقبلها.
في حالة إننا ردينا بالرفض، بنحتفظ بحق عدم إبداء السبب.

ما تقلقش مش محتاج تفكرنا نبص على الإيميل، احنا هنتواصل معاك خلال الفترة دي، حتى لو الإجابة لاء. مستنيين مغامراتكم :))