share this article

محافظة الاسكندرية قررت انها تبدأ تنفيذ شارع سياحي مشابه لشارع المعز في القاهرة، الاقتراح اللي قدمه علي المانسترلي رئيس غرفة شركات السياحة في الاسكندرية ووافقت عليه المحافظة.

الوقت الحالي المحافظة وغرفة شركات السياحة بيتناقشوا في اختيار الشارع اللي هيكون مشابه لشارع المعز وبعدها سيتم التنفيذ اللي متوقع يكون في يناير٢٠١٩، ملامح الشارع بدأت توضح من خلال الاقتراح اللي أتقدم واللي هيكون ممشي سياحي كبير فيه أماكن مخصصة للحفلات الموسيقية وأماكن أخري لسلسلة المحلات والمطاعم المتخصصة في مأكولات دول البحر المتوسط زي المصرية واليونانية والمصرية.

المحافظة أو الدولة مش هتتكلف أي شئ مادي لان تم التواصل مع شركات كتير لرعاية التطوير اللي هيتم على الشارع السياحي الجديد، يعتبر الاقتراح مهم جدا لاهل اسكندرية وكل المسافرين ليها واللي نسبة إشغال الأجانب فيها بيزيد من وقت للتاني وبيقدم مستويات تطور بتعكس أهمية الأسكندرية من الناحية السياحية.  

 

مصدر الخبر: أخبار اليوم