share this article

بما إن أجازة نص السنة هلت علينا والوقت ده بيبقى عادة وفت حلو للسفر والخروجات؛ بالمناسبة دي وزير السياحة والآثار خالد العناني أصدر قرار بتخفيض 50% على أسعار تذاكر المتاحف والمواقع الأثرية للمصريين، واللي هيبقى من يوم 24 يناير لحد يوم 7 فبراير.

الوزارة شايفة إن قرار زي ده مهم عشان ينشط السياحة الداخلية ويشجع المصريين إنهم يتعرفوا أكتر على المزارات السياحية والأثرية في بلدهم اللي بيجيلها السياح من كل حتة في العالم، عشان كده كمان كل المتاحف الأثرية هتعمل جولات إرشادية مجاناً للمصريين خلال الفترة دي، ده غير كمان إن المجلس الأعلى للآثار كان اصدر قرار بإنهم هيسمحوا بدخول الطلاب المصريين في مرحلة التعليم الأساسي -ابتدائي وإعدادي- كل المواقع والمتاحف الأثرية مجانًا ومعاهم أسر الشهداء وأي حد عمره من ٦٠ سنة فيما فوق.

القرار ده جاي بعد فترة قريبة من قرار تاني للمجلس الأعلى للآثار؛ واللي كانوا أعلنوا فيه إنهم هيخفضوا 50% من أسعار تذاكر المتاحف والأماكن الأثرية لكن للأجانب في منطقة صعيد مصر في شهور الصيف تحديداً؛ واللي من ضمنها كل المتاحف في الأقصر وأسوان وقنا.