share this article

هيئة أبوظبي للسياحة والثقافة أعلنت إن الافتتاح المترقب لقصر الحصن التاريخي هيكون 7 ديسمبر، الملتقى الثقافي ده موجود في قلب أبو ظبي وهيتكون من 4 أجزاء: قصر الحصن التاريخي، المؤسسة الثقافية، مبنى المجلس القومي الاستشاري، ومركز الحرفيين.

الحصن متوقع إنه هيكون مزار على مدار السنة للسياح اللي عايزين يعرفوا تاريخ وثقافة الإمارات وأبو ظبي، وكمان أهل البلد اللي نفسهم يتعرفوا أكتر على تاريخ بلدهم، غير طبعًا محبي الفن اللي هيروحوا يستمتعوا بالمعارض الفنية اللي هتتعمل هناك.

المصدر: Sigree Ibn Mamak

قصر الحصن يعتبر أقدم وأهم مكان في أبو ظبي، وده أول مبنى قائم في المدينة، بيتكون من حصن داخلي وده اتعمل سنة 1795، وقصر خارجي وده اتعمل سنة 1940. الحصن زمان كان فيه العائلة الحاكمة والحكومة وحاجات تانية كتير.

دلوقتي الحصن بقى متحف بيوثق تاريخ المدينة وتحولها من مكان قائم على الصيد لمدينة حديثة، ودي حاجة هتشد سياح ومسافرين كتير حابين يعرفوا تاريخ البلد. هيتعمل كمان جولات في المكان مركزة على التاريخ والمعمار وكمان هيبقى في إعادة تمثيل للحياة كانت عاملة زي في الحصن والناس كانت بتعمل إيه، بجانب أنشطة للأطفال.

المؤسسة الثقافية هتعمل معارض فنية وهيبقى في مسرح روماني وأماكن لعمل الورش ومكتبة أطفال وساحة للمطاعم. مركز الحرفيين هيركز على تاريخ الإمارات وهيبقى في تركيز على الخياطة وتجديل النخل والتطريز.

 

المصدر: Gulf Business