share this article

من بداية السنة الجديدة، لو قررت تزور قصر فرساي في فرنسا، هتقدر تقضي ليلة ملكية من الطراز الرفيع، لأنه مفترض الربيع الجاي هيفتتحوا أول فندق في أراضي قصر فرساي وهو "Le Grand Contrôle".

فكرة الفندق كانت مطروحة كخطة من 2015، بمقترحات تحويل 3 مباني من القرن الـ17 والـ18 لفندق فخم جنب القصر، وطبعا الفندق هيكون كله مستوحى من القرن الـ18 وهيوفر إطلالات جميلة جدا لمبنى فيه أشجار البرتقان والليمون والرمان.

قصر فرساي كان مركز الحياة الملكية في عهد لويس السادس عشر، وماري أنطوانيت لغاية الثورة الفرنسية سنة 1789، القصر فيه ما بين 2-3 ألف أوضة، على حوالي 63 ألف متر، والفندق هيكون فيه 14 غرفة وشقة، ، ومطعم، ومركز صحيّ، وبيسين داخلي وبيفكروا يعملوا أفكار ترفيهية مبتكرة خاصة بنزلا الفندق.

هما لسه مأعلنوش عن أسعار الفندق، لكن هيفتحوا باب الحجوزات شهر ديسمبر الجاي، ومش محتاجين نستنى إعلانهم عن الأسعار لفندق من القرن الـ18 عشان نعرف هتكون عاملة إزاي.

 المصدر: CNN