share this article

أهرامات الجيزة طلع عندها لسه قصص تحكيها وأسرار تكشف عنها، فريق من علماء الآثار اكتشف مقبرة مزدوجة عمرها 4,500 سنة ترجع للأسرة الخامسة (2423-2563) في جنوب شرق منطقة الأهرامات. وزارة الآثار أعلنت عن الاكتشاف يوم السبت 4 مايو.

الوزارة قالت إن واحد من الرجلين اللي جوا المقبرة اسمه "بحنوي كا" وكان يحمل ألقاب كتير زي الكاهن وكبير القضاة للفرعون. التاني كان اسمه "نوي" وكان رئيس المقاطعة الكبيرة والكاهن المطهر للفرعون. الاتنين خدموا تحت الملك خفرع، اللي بنى الهرم التاني الأكبر وأبو الهول.

اكتشفوا متعلقات تانية كمان زي تماثيل من الجير لواحد من المدفونين ولأسرته، تماثيل ثعالب، ونقوش هيروغليفية. لقوا كمان ناس تانية مدفونة في المقبرة من حوالي 2,600 سنة، في ظاهرة معروفة باسم "إعادة استخدام المقابر" وكانت بتحصل كتير في مصر القديمة.

الصور من AFP

 

 

 

المصادر: Live Science
Daily Mail