share this article

وفاة الفنان هيثم أحد زكي فجأة كانت صدمة لناس كتير، لأنهم كانوا معتبرينه امتداد لوالده، وبعد شوية بدأ التفكير في مقتنيات الإمبراطور أحمد زكي، يا ترى إيه هيكون مصيرها؟ خصوصا إنها شاهدة على تاريخه الفني أو حتى بعض مقتنياته الشخصية، عشان كده نقابة المهن التمثيلية فكرت إنها تعمل متحف متخصص للفنان الكبير أحمد زكي.

المتحف زي ما أعلن أشرف زكي نقيب المهن التمثيلية، هيكون في مكتبة الإسكندرية أو هيبقى متحف مستقل بالتنسيق مع وزارة الثقافة.

وبعد التواصل مع محامي أسرة رامي أخو الفنان هيثم أحمد زكي الوحيد من والدته، اتفقوا إن المتحف هيضم مقتنيات أحمد زكي الفنية زي الهدوم اللي لبسها في شخصياته الفنية اللي عملها سواء في السينما أو المسلسلات او المسرحيات، وكمان الأوراق اللي تخصه وسيناريوهات الأفلام اللي شارك فيها أو اتعرضت عليه ومشاركش فيها، ده غير الجوايز اللي فاز بيها عن أدواره أو تكريماته في المهرجانات المختلفة.

 المصدر: اليوم السابع