share this article

تقريباً مفيش حاجة مشهورة في الأردن أد مدينة البترا، وهي قربت تسجل رقم قياسي في عدد زوارها، اللي على وشك إنه يوصل لمليون سائح مع نهاية شهر نوفمبر، بعد ما زاد خلال الشهر اللي فات بنسبة 48% مقارنة بنفس الوقت السنة اللي فاتت.

وفيه اهتمام كبير من الجهات الحكومية والخاصة في الأردن، سبّب حالة من الانتعاش السياحي في البترا وزاد الإقبال عليها كمنطقة سياحية عالمية، وده عمل تنشيط لحركة التجارة هناك وخلقت فرص عمل لشباب كتير في قطاع السياحة.

طبعاً زيادة أعداد السياح على البترا، معناه زيادة الإقبال على الفنادق هناك، وده بالفعل اللي حصل وعدد الغرف الفندقية هناك عدى الـ3 آلاف غرفة، ومفترض يزيد 509 غرفة خلال السنة الجاية، فيهم 250 غرفة هيزيدوا خلال الشهور الجاية بالاتفاق مع فنادق عالمية من فئة الـ5 نجوم.

وبحسب إحصائية عن إقليم البترا، فعدد الزوار في الشهر اللي فات كان أزيد من 137 ألف ونص زائر، معظمهم أجانب، وفي الشهور العشرة الأخيرة زارها حوالي 889 ألف من مختلف الجنسيات، ودي كلها أرقام أزيد من أرقام السنة اللي فاتت بنسبة 35%.

المصدر: المملكة