share this article

من بداية شهر نوفمبر ومنطقة البترا في الأردن بتستعد لتسجيل رقم قياسي لعدد زوارها، اللي مفروض يوصل لمليون مع نهاية شهر نوفمبر، إلا إن العدد خلاص على وشك إنه يوصل للمليون خلال ساعات قبل الميعاد اللي كانوا محددينه، وده إن دل فبيدل على زيادة الإقبال على البترا من السياح.

وعشان دي المرة الأولى اللي البترا هتسجل فيها في تاريخ سياحتها رقم المليون زائر، السلطات هناك استعدوا للاحتفال وعملوا عد تنازلي لاكتمال المليون، ده غير احتفال كرفاني بكرة هيتعمل بفعاليات فلكلورية وألعاب نارية.

ومفترض بعد الرقم ده، إن عدد سياح المدينة على نهاية 2019 يعدي المليون و200 ألف سائح، أغلبهم من الجنسيات الأجنبية، حسب مؤشرات حجوزات الفنادق ومكاتب السياحة والسفر، بعد ما كان عدد الزوار بيوصل لـ500 و650 ألف زائر في السنة.

المصدر: الغد