share this article

لو كل اللي تعرفه عن بورسعيد هو أبو العربي والسمسمية وإنها مدينة من مدن القناة فأنت محتاج تروح زيارة تشوف المدينة الجميلة الغنية بتراث معماري وقصص كتير عن أهل المدينة، وطبعاً تدوق سمكهم الجميل، بس كمان دي فرصة لطيفة إنك تزور عاصمة الثقافة المصرية لسنة 2020.

آه طلع عندنا عاصمة ثقافة، لا وخد دي كمان إحنا عندنا مؤتمر أدبي بيتعمل كل سنة ودي كانت الدورة الـ34 اللي خلصت يوم 12 ديسمبر، في الدورة دي أعلنت وزيرة الثقافة إيناس عبد الدايم بورسعيد كعاصمة الثقافة 2020، وبالمناسبة دي بورسعيد كانت مستعدة ببرنامج واحتفالات؛ وكمان كانت هي المدينة المستضيفة لفاعليات مؤتمر الثقافة السنة دي، الدورة كمان السنة دي كانت دورة الشاعر بيرم التونسي، طبعاً المؤتمر بيكون فيه تكريمات لكتاب ومثقفين اللي ساهموا في تشكيل ثقافة المجتمع، وقيمة الجوايز السنة دي وصلت لـ7000 جنيه بعد ما كانت 2000 جنيه.

المصدر: Egypt Independent