share this article

قصر السكاكيني هو قصر عمره 119 سنة، بناه حبيب باشا السكاكيني في القرن الـ19 عشان يكون بطراز معماري إيطالي بأكتر من 50 أوضة و400 باب وشباك، و300 تمثال ده غير الجنينة الكبيرة اللي مليانة أنواع نادرة من الأشجار والنباتات، كل ده اتنقل بعد وفاة حبيب باشا لواحد من ورثته اللي كان طبيب القصر وأهداه لوزارة الصحة، لحد سنة 1961 لما وزارة الصحة نقلت متحف التثقيف الصحي من عابدين لقصر السكاكيني، وبعدها بكام سنة نقلوا المتحف من القصر وفضل مقفول تحت رعاية المجلس الأعلى للآثار.

حالياً بقى المجلس الأعلى للآثار بيدرس خطة ترميم وتطوير القصر، واللي هتقوم بيها شركة تحت إشراف وزارة السياحة والآثار، والهدف إن القصر يخلص ترميمه وتجديده بحيث يكون متاح ومفتوح للزوار خلال سنة 2020، وبكده يبقى عندنا قصر تاني من التحف المعمارية الموجودة في شوارع كتير في القاهرة زي قصر البارون اللي كلنا مستنيين افتتاحه.

المصدر: Egypt Today