share this article

وجود بطولة كبيرة بحجم كأس الأمم الأفريقية مش بيبقى فرصة بس للناس اللي بتحب الكورة ومتابعة الماتشات، لكن فرصة للبلد المضيفة إنها تستعرض إمكانياتها أدام العالم وتحديداً في الحالة دي أدام الوفود اللي جاية مع فريقها عشان تبقى فرصة لتنشيط السياحة الأفريقية.

الإستعراض ده ابتدى بحفل افتتاح عظيم للبطولة، ومكمل بأسعار مخفضة لعروض الصوت والضوء في: الهرم – أبو سمبل – الكرنك – فيلة – ادفو. أسعار مخفضة دي يعني مفيش أسعار سياحية، الوفود هتدخل بنفس سعر تذكرة المصريين 65 جنيه بدل 250 جنيه.
كمان الدخول هيبقى مجاني تماماً للفرق المشاركة في البطولة والبعثات الرسمية اللي جاية معاهم.

المصدر: مصراوي