share this article

عروض الصوت والضوء من أهم الأنشطة السياحية اللي بيحب يحضرها المصريين قبل الأجانب والسياح، بتبقى حاجة لطيفة جدا لما تسمع قصة أبو الهول وإزاي اتبنت الأهرامات وقصص من الحضارة المصرية القديمة، بلغات كتير عشان يستمتع بيها السياح من البلاد المختلفة.

وعشان شركة مصر للصوت والضوء بتحاول إنها تشجع أكتر إن الناس يعرفوا عن تاريخ الحضارة المصرية، قررت إن عروض الصوت والضوء هتكون مجانية للمصريين والعرب والأجانب من ذوي القدرات الخاصة ومتحدي الإعاقة، بالمناطق الخمسة اللي بتتعمل فيها وهي الأهرامات ومعبد أبو سمبل والكرنك وفيلة وإدفو، وهتكون باللغات العربية والأجنبية.

ومش بس كده، دي هتكون مجانا للمصريين كبار السن والمحاربين القدامى في العروض اللي هتتعمل باللغة العربية، وكمان هيكون في خصم 50% لطلاب المدارس والمدرسين وطلبة المعاهد والجامعات المصرية وأعضاء هيئة التدريس.

شركة الصوت والضوء قالت إن الخطوة دي ضرورية لدعم ذوي الاحتياجات وكبار السن، عشان يندمجوا في المجتمع، وده حقهم علينا إننا نوفرلهم الإمكانيات اللي ممكن يحتاجوها.

المصدر: مصراوي