share this article

وزيرة السياحة المصرية "رانيا المشاط" ومحافظ سيناء والبحر الأحمر ومسؤولين تانين من الحكومة افتتحوا جناح مصري في معرض برلين التجاري من يوم 6 ل10 مارس 2019.ده بعد مشاركة مصر في معرض سوق السفر العالمي في لندن في نوفمبر 2018 اللي كان هدفوا التركيز على السياحة المُستدامة باستخدام الVR(Virtual Reality). ولسه محاولات الترويج للسياحة في مصر مكملة  بالأخص الدعاية لإفتتاح المتحف المصري الكبيرفي 2020 واخدة جزء كبيرومهم من مجهودات الوزارة.الجناح المصري في برلين مبني على 1000 كم مربع، وبيضم 100 مُشارك منهم 35 شركة سياحة و59 فندق. بيحاولوا انهم يستخدموا التكنولوجيا في عرض التاريخ المصري وكمان الترويج لأهم مناطق سياحية في مصر وده عن طريق  أماكن عاملين فيها  شاشات بتظهرعليها دعاية لكل مدينة سياحية باسمها Beautiful Destination وده ضمن برنامج الاصلاح الهيكلي اللي بدأته الوزارة في نوفمبر اللي فات.الجديد بقى إن التذاكر اللي بتخش بيها الجناح المصري في بورصة برلين عليها دعاية بافتتاح المتحف الكبير في مصر 2020 وبانرات في كل حتة على إنه أكبر متحف للأثار في العالم.الجناح المصري بيعرض في جزء منه ماكيت للمتحف المصري الكبير وهولوجرام للقناع الذهبي وكرسي العرش بتاع توت عنخ أمون.دي أول مرة وزارة السياحة تستعين بشباب صغير من الطلبة المصريين اللي عايشين في ألمانيا إنهم يشاركوا في استقبال زوار الجناح المصري وهم لابسين اكسسوارات فرعونية في محاولات انهم يكونوا بيربطوا الشباب المُغترب بوطنهم الأصلي.
 
المصدر: اليوم السابع