share this article

وزارة الثقافة مع وزارة السياحة والآثار قرروا إنهم يتعاونوا عشان ينظموا مهرجان للأغاني والموسيقى، واختاروا قنا عشان تكون هي مكان الحدث ده، وفي الواقع اختيارهم للمكان هو اللي كان مختلف وخارج نطاق التوقعات، لأنهم اختاروا معبد دندرة في الأقصر. 

معبد دندرة من أكتر المعابد المهدور حقها لأنه في الواقع تحفة فنية معمارية، هو من بره ممكن يخدعك ويحسسك إنك أدام معبد فرعوني زي أي معبد، لكن من جوة هو محتفظ بألوانه وجماله وكأنه لسه عايش في عصر الفراعنة، وجماله ده اللي خلى وزارة الآثار تعلنه متحف مفتوح في أول 2019، دلوقتي بقى اختيار المعبد كمكان للمهرجان مفهوم، غير كمان إن الفراعنة كانوا مهتمين أصلاً بالموسيقى وعندهم آلات موسيقية كتير.

المهرجان هيبدأ يوم 27 فبراير ولحد 3 مارس بتنظيم مشترك بين وزارة السياحة والآثار؛ جامعة جنوب الوادي، محافطة قنا وهيئة قصور الثقافة، وهيكون عبارة عن 10 فقرات غنائية، 4 فى معبد دندرة و4 فى قصر ثقافة قنا و2  في جامعة جنوب الوادى، مع عدد كبير أوي من الفنانين زي علي الحجار ومدحت صالح وهشام عباس ودينا الوديدي، وباندات زي بلاك تيما ومسار إجباري.

المصدر: المصري اليوم