share this article

تقريباً أسرار الحضارة الفرعونية عمرها ما هتخلص؛ وكل شوية بنكتشف مقبرة أو مومياء جديدة تفتح معاها مواضيع وتفاصيل مكانش عندنا فكرة عنها، عشان كده وزارة الآثار اختارت تحتفل بالسنة الـ117 على إنشاء المتحف المصري في التحرير؛ بمعرضين جداد هيتعملوا في المتحف يوم الجمعة 15 نوفمبر يستعرضوا من خلالهم زوايا جديدة للآثار الفرعونية.

المعرضين واحد فيهم عن التعليم عند قدماء المصريين والتاني عن الخبيئات، واللي بتشرح وبتناقش التفاصيل الموجودة في التماثيل وفن النحت عموماً عند الفراعنة، ده لأنه معروف دايماً إن الفكرة مش استعراض عضلات بس في تمثال كبير ومبهر؛ لكن كمان لأن الفراعنة كانوا بيعتبروا النحت لغة، وبيكون فيه رسايل كتير وقضايا ومبادىء وحياة كاملة بيعبروا عنها بالمنحوتات والتماثيل.

المصدر: Egypt Today