share this article

شركة Expedia الشهيرة في عالم السفر عملت خريطة تفاعلية جديدة عن أهم المناطق اللي لازم تكون في قائمة سفرك في كل مناطق العالم، المميز في الخريطة دي إنك هتقدر تشوف كل الصور بنظام ٣٦٠ درجة وكأنك في المكان هناك، على موقعهم تقدر تشوف كل الصور والأماكن على الخريطة التفاعلية (اضغط على الصورة).




وبالنسبة للقائمة دي تعتبر أهم المناطق اللي تم أختيارها

Grand Prismatic Spring

المكان اللي يعتبر أكبر الينابيع الساخنة في أمريكا والثالث في العالم، مكان جميل جدا وفيه تنوع ألوان مبهر. نتيجة الطحالب والتكوينات بتاعتها الموجودة في المكان، والسباحة فيه طبعا مهمة جدا لان المياة مليانه معادن.

Marble Caves

كهوف الرخام الموجودة في تشيلي واللي تعتبرمن أجمل التحف الطبيعية الموجودة في العالم، علشان توصل للكهوف لازم مركب من منطقة بلماسيدا. الوصول للكهف مش سهل بس تجربة ومغامرة لازم تتجرب مرة في العمر، واللون الأزرق ماهو إلا انعكاس لطبقات الرخام على المياه الموجودة في الكهف.

Tianzi Mountain

الجبل اللي موجود في هونان الصينية واللي يعتبر بطل حقيقي في واحد من أفلام جيمس كاميرون (فيلم أفاتار) واللي أتصور هناك، الجبل مميز جدا وغريب واللي عبارة عن طبقات من الصخور منفصلة على شكل قمم، هما في الأساس كانوا قمة واحدة بس الأمطار والرياح أثرت عليهم علشان توصل للشكل اللي عليه دلوقتي.

Abraham Lake

بحيرة أبراهام واللي موجودة بين جبال روكي في كندا مشهورة جدا بشكل الفقاعات اللي مش بتقف واللي بتطلع من القاع واللي هي عبارة عن غاز الميثان المنقول من القاع للسطح البحيرة.

Cappadocia

الأسم اللي بقي علامة في الفترة الأخيرة في الشرق الأوسط والمدينة التركية المشهورة، المنظر اللي كله طبيعة مميزة جدا والغريبة لأن المدينة دي سكانها تحت الأرض مش فوقها وده علشان ظروف البيئة واللي تقريبا عايش فيها دلوقتي تقريبا ١٠ الاف شخص هناك.

Singing Sand Dunes of Liwa

الإمارات بقت وجهة سياحية قوية جدا، منظر الكثبان الرملية والغرود في صحراء دبي كأنه لوحة مرسومة، أشكال الغرود بتتكون من حركة الرياح

مصدر الخبر والصور:traveldailymedia