share this article

من ألطف الحاجات اللي حصلت في زمن الكورونا إن أغلب الحاجات بقت متاحة أونلاين من غير فلوس، بمعنى إنك تقدر تتفرج على متاحف من كل حتة في العالم، حدائق، تاخد كورسات، تشوف أفلام تعمل تقريباً كل حاجة من مكانك أونلاين ومن غير فلوس، الشركات حاسة بحبسة الناس وبتحاول تساعدهم يتحملوها ومتبقاش خسارة على كل الأطراف، وده خلانا نقدر نسافر نشوف أماكن جديدة وإحنا قاعدين في سلام بيوتنا، أماكن يمكن ماكناش هنقدر نشوفها طول عمرنا بقت دلوقتي على الشاشات، ومن الأماكن دي؛ القطب الشمالي.

 
 
 
View this post on Instagram

Stream the dancing, waving, emerald lights that serenade the arctic starlit sky every night at exploreorg.tv/auroraborealis 💚

A post shared by explore.org (@exploreorg) on

في آخر الشتا وأول الربيع اللي هو دلوقتي يعني؛ بيكون في ظاهرة خلابة ده أحسن وقت تشوفها فيه، الشفق القطبي، أو أنوار الشمال، دي ظاهرة ناتجة عن المجال المغناطيسي للأرض لما بتدخله جسيمات مليانة طاقة من الشمس وحاجات كده كتير معقدة بتحصل، بس نتيجتها إننا بنشوف أنوار بألوان جميلة بترقص، والسنة دي Polar Bears International وExplore.org قرروا إنهم هيفرجوا العالم كله على أنوار الشمال من خلال Live streaming كل ليلة، ده من خلال الكاميرا بتاعة مركز تشرشل للدراسات الشمالية في تشرشل في كندا، اللي الكاميرا بتاعتهم موجودة في قلب الأنوار يعني كأنك حاجز صف أول ومفيش واحد طويل قاعد قدامك، ظبط نفسك على أحلى ساعات الليل اللي هتكون بين 4 الفجر و10 الصبح بتوقيت مصر، لما تستعد دوس على اللينك ده، وأهو الحظر جيه بفايدة تقريباً في الأيام العادية كان لايمكن نشوف الحاجات دي.

المصدر: Backpacker