share this article

مؤسسة Geo Travel ورحالة اللي بيعملوا برامج تنموية قرروا في إنهم يساعدوا 40 ست مصرية مكفوفة في إنها تعمل تجربة جديدة وتشوف العالم بنظرتها الخاصة جدًا، مين يقدر يقول إنهم مش بيستمتعوا بالطبيعة زي المُبصرات؟
الرحلة هتكون 5 ابريل 2019 الموافق يوم الجمعة. هتكون في محمية وادي دجلة وهيعملوا Hiking مسافة 5كم يجربوا احساس الصحراء ويستمتعوا بوقتهم في مصر، وهيكونوا تحت إشراف ريهام أبو بكر مؤسسة Geo Travel  للسياحة الجغرافية اللي هتقدملهم معلومات عن الأرض وتضاريسها. الستات هيكونوا من أعمار مختلفة وهم من  دور الرعاية الخاصة بالكفيفات. وكل واحدة فيهم هتحتاج معاها مُرافق، لو إنت مُتحمس في إنك تساعدهم اليوم ده في إنهم يفرحوا ويجربوا حاجة جديدة، فدي صفحة الإيفنت اللي فيها كل التفاصيل وازاي تقدم.