share this article

السياحة لها أنواع كتير مش بنسمع عنها لأنها مش متنشرة في مصر، زي سياحة الأكل والشرب أو السياحة الزراعية مثلًا. طب إزاي يعني ألف وأشوف وأعرف ثقافة البلد اللي أنا فيها من خلال الأكل؟ الفكرة دي تنفيذها مش بيتطلب بالضرورة في إنك تسيب مصر وتروح مثلًا أوروبا عشان تجرب، إنت ممكن تعمل سياحة غذائية من القاهرة للإسماعيلية أو من إسماعيلية لجنوب مصر. إنت بتلف تدوق الأكل ومن خلاله بتعرف ثقافة المنطقة دي وتاريخها، وكيفية زرع نبات معين أو طبيخ أكلة بتسبيكة مختلفة، بنستغل إن الأكل يقرب البطون ومعاها العقول. السياحة الغذائية بتعتبر نوع من أنواع السياحة الثقافية وبتندرج تحت السياحة التجريبية. وولسياحة الغذائية أنواع كتير زي مثلًا دروس الطبخ، وحضور حفالات الويسكي والبيرة، وممكن الجولات الغذائية.
في دول كتير زي كندا وأيرلندا بدأت تستغل السياحة الغذائية في إنها ترتقي بإقتصادها. ولأنها بقت نوع سياحة متنشر ومُحبب للناس قررت شركة Bellies En-Route إنها تهتم بالموضوع وتدور على محبي الأكل عشان يشتغلوا مرشدين سياحين للجولات الغذائية. وشروط الشغل:
-إنهم يكونوا من مواليد القاهرة وعاشوا وكبروا فيها
-بيتكلموا عربي وإنجليزي كويس
-مرونة إنهم يشتغلوا عدد ساعات مختلف وفقًا لمهام اليومية
-إنهم يكونوا لطاف ومستعدين إنهم يتعرفوا على الناس ويحترموا الثقافات المختلفة
-ملتزمين بالمواعيد
-شهر تدريب
لو عايز تقدم لفرصة الأحلام دي، ابعت الCV وفيديو تحفيزي مش أكتر من دقيقة بالإنجليزي بتحكي فيه ليه إنت مهتم بالفرصة وايه مميزاتك، بعدين تقوم بعتهم علي الإميل ده : feedme@belliesenroute.com، وتحط في عنوان الإيميل "Food Tour Guide Application- اسمك" 
المصدر: Bellies En-Route