share this article

الأكل اللبناني مختلف عن كتير من المطبخ الشرقي، هتلاقيه مزيج غريب بين الأكل العربي والتركي، وأكل دول البحر المتوسط. أطباق كتير من الأكل اللبناني  بترجع لآلاف السنين للحضارة الرومانية والفينيقية، وكمان تأثير الغرب بسبب الاستعمار على مر السنين منعكس على المطبخ اللبناني. في اختيارات كتير اوي ممكن تختار منها من الأكل اللبناني، غير إنه صحي ومفيهوش عك كتير، وكتير منه نباتي، خصوصًا المَزة، اللي هي أشهر حاجة في المطبخ اللبناني وعبارة عن مجموعة من المقبلات فيها أنواع كتير اوي زي التبولة، والفتوش، والحمص، والمتبل، والمحمرة، والسمبوسك، زائد ورق العنب المحشي (بيتقدم ساقع بالمناسبة)، وطبعًا عيش البيتا اللبناني اللي هتلاقيه بينزل مع كل وجبة لبنانية. دي شوية من المَزات اللي لازم تجربها في بيروت، بس خد بالك إن مجرد ما تبتدي تاكل في المَزات مش هتعرف تبطل، فخُد بالك عشان متشبعش.

منقوشة

المصدر Mooon Blog

دي حاجة زي البيتزا بس لبنانية، عبارة عن عجينة مسطحة، بتتحشي جبنة وزعتر.

بابا غنوج
المصدر annahar

ده نوع مَزة تاني معمول من البتنجان، اللي بيتخلط مع البهارات والطحينة والثوم (عادةً البتنجان بيتشوي على نار مفتوحة قبل ما يتقشر).

حمص (أو حمص بالطحينة)
المصدر Paul Goyette 

الحمص عبارة عن غموس معمول من الحمص مع طحينة، وعصير الليمون، والثوم، والملح، وزيت الزيتون. الحمص يعتبر نوع من المَزة، بس بيتقدم في وجبة كاملة مع العيش والبصل والطماطم والنعناع والخيار المخلل والجزر الأبيض والزيتون. 

تبولة

المصدر kammoon

سلطة البقدونس مع النعناع والطماطم والبصل الأخضر والبرغل وزيت الزيتون وعصير الليمون.

فتوش
المصدر Manouche Grill

سلطة الخس مع الطماطم والخيار والفجل والبصل الأخضر والنعناع وعصير الليمون وزيت الزيتون.

محمرة
المصدر Oregonlive

غموس معمول بالفلفل الأحمر، عين الجمل، فتات العيش، زيت الزيتون، دبس الرمان، عصير الليمون، البصل، الثوم، والتوابل.

متبل (أو متبل بتنجان)
المصدر For the Love of Yum

ده غموس معمول من بتنجان مخبوز بالسمسم، وعصير الليمون، وزيت الزيتون.

بليله

المصدر Dailyciabatta

سلطة الحمص مع زيت الزيتون وعصير الليمون. 

اللبنة

المصدر Epicurious

ده زبادي بيتشال منه شرش اللبن (whey)، وده بيخليه أتقل وقوامه سميك. وده واحد من الأكلات اللبنانية التقليدية.

كبة
المصدر lazezh

الكبة هي أكلة شرقية بتتعمل من البرغل واللحمة. بتخلط قطع اللحم مع البرغل المغسول والمصفى لحد ما يعملوا عجينة اللي بتتاخد وتكبكب وتحشى بلحم الضان المفروم والمقلي والمخلوط بالمكسرات من اللوز أو الجوز أو الصنوبر وبتتقلي بالسمن أو بالزيت وتقدم للأكل.