share this article

الأفينجيرز هيعزلوا ويروحوا كاليفورنيا بالتحديد في ديزني لاند؛ الموضوع ده كان بقاله كتير ناس بتتكلم عليه بس ديزني أكدت أخيراً في D23؛ الحدث اللي بيعملوه مرتين كل سنة عشان يعلنوا فيه كل أخبارهم الجديدة.

في 2017 ديزني أضافت لعبة Guardians of the Galaxy والتوسع الجديد هيكون في صيف 2020 في نفس المكان بس عبارة عن مركز تدريب للأفينجيرز، هيكون عبارة عن إنهم بيدوروا على ناس من زوار منطقة الألعاب تساعدهم في المهمة العالمية الجديدة ضد هجوم "ثانوس"، ومش عارفين أوي مين الأبطال اللي هيكونوا أكيد موجودين لكن في توقعات إنهم هيبقوا الأبطال اللي ظهروا في ديزني قبل كده، لكن المؤكد إن سبايدر مان هيكون موجود.

التوسع الجديد هياخد أرض الحشرات “A Bug’s Land”، هيكون طبعاً فيه مكان مخصص تقابل فيه الأبطال، ومكان تشرب منه حاجة، وأكيد محل بيبيع تذكارات.

المصدر: Insider