share this article

في بلاد دلوقتي بقيت في مرحلة بعد الحظر وبيكتشفوا الحياة هتمشي إزاي مع الكورونا وخصوصا إن التباعد الإجتماعي لازم يفضل وده كفيل إنه يغير شكل حياتنا خصوصا في المدن بعد ما كانت زحمة وفوق بعض.

لا مش هنمشي لابسين أكشاك بس الدول الأروبية بدأت تزود حارات العجل في شوارع المدن، باريس كان عندها الخطة دي أصلا قبل كورونا ومفروض تخلص في 2024 بس دلوقتي بقيت من الأولويات وده سرع في تنفيذ الخطة، هم غير توسيع الحارات في الشارع عاملين عرض لأصحاب العجل إن التصليح في أماكن معينة هيكون بـ 50 يورو، وبالنسبة لأصحاب الأعمال العجل هيقلل من المرتبات 400 يورو في السنة بدل تنقل، ألمانيا برده واخده نفس الإتجاه فهم زودوا حارات العجل ووسعوها في شوارع برلين، حطوا شرايط وعلامات مؤقتة لغاية لما التباعد الإجتماعي ينتهي، ايطاليا بردو واخدة نفس الطريق فميلان معمولها خطة إن يتزود في شوارعها 35كم مخصصين للعجل والمشي، الحكومات دي بتشجع الناس على إنهم يكونوا ماشين أو على عجلة لوحدهم أحسن من كذا شخص في عربية عشان يفضلوا يحافظوا على التباعد الإجتماعي في الحياة اليومية، وطبعا أروبا لاحظت أد إيه التلوث قل لما العربيات وقفت الفترة اللي فاتت.

 

المصدر: Lonely Planet