share this article

مصرالسنة دي مُتألقة في استقبال أحداث ومسابقات رياضية مُهمة عالمية زي كاس الأمم الأفريقية 2019 وبطولة العالم للسيدات في الإسكواش 2019-2020. ودي تعتبرمن أهم وأبرز البطولات بالأخص إنها هتتعمل قدام الأهرامات، باتفاقية مع الاتحاد الدولي للاسكواش اللي هيخلي مصر تنظم البطولات لمده 3 سنوات قدام.البطولة هتبقى من23أكتوبر ل1 نوفمبر وهنشوف فيها 64 ست من أشطر لاعبات الاسكواش بيتنافسوا سوى على البطولة. مصر طلع منها رنيم الويلي ونور الشربيني ونور الطيب وهم اللي فازوا بأول تلت مراكز على مستوى العالم، فمش غريبة إن مصر تستقبل حدث مهم زي ده يخص رياضة الاسكواش على أرضها. كمان مصر هتستقبل بطولة البلاتنيوم للستات والرجالة في 2020و2021 ومجموع مبلغ الجايزتين 325 ألف دولار و165 ألف دولار.
بيقول أليكس غوف، المدير التنفيذي للPSA"مصر معروفة بتألقها في لعبة الاسكواش في أخر 20سنة ومنحت للعبة أسماء من أشطر اللاعبين اللي ظهروا في الفترة الأخيرة. الفائزين في الموسم اللي جاي هيكون عندهم فرصة إنهم يكتبوا أساميهم في فولكلورالاسكواش وهم بيرفعوا الكاس قدام الأهرامات"
طبعًا إن حدث رياضي بالأهمية دي يحصل في مصر في أهم المناطق الأثرية وإن يحضروا ناس من كل حتة في العالم، ده هينشط من السياحة وهتكون فرصة مش بتكررإن المُشجعين يتفرجوا على رياضتهم المُفضلة وهم قدام الأهرامات.

المصدر:PSA WorldTour