share this article

الغوص في مصر من أهم الحاجات اللي السياح بيجوا عشانها، خصوصا في مدن وشواطئ البحر الأحمر، وده بالظبط اللي أهِل مصر إنها تفوز بالمركز التاني كأفضل وجهة للغوص في العالم كله لسنة 2019، في تصويت مجلة "Dive Travel" أشهر مجلة عالمية في مجال الغوص.

التصويت في المسابقة دي استمر لمدة سنة، وكان مشارك فيه حوالي 30 ألف غواص على مستوى العالم، عشان يختاروا أفضل أماكن سياحية للغوص، وفازت إندونيسيا بالمركز الأول وبعدها مصر، وجت المكسيك في المركز التالت.

السنة اللي فاتت مصر خدت المركز التالت، لكن مع نشاط حركة السياحة خصوصا على مدن وشواطئ البحر الأحمر، اللي بتعتبر من أفضل أماكن الغوص في العالم، انتعشت جدا عملية الغوص في الشواطئ المصرية، وده ممكن يأهلها للفوز بالمركز الأول السنة الجاية.

المصدر: Hurghadians