share this article

بما إن موسم المصايف انتهى وهيبتدي خلاص موسم المشتى وشرم الشيخ والبحر الأحمر؛ وزارة السياحة أصدرت مجموعة قرارات عشان تمنع أي حوادث ممكن تحصل للسياح وهما بيعملوا أي أنشطة بحرية زي الغوص والسنوركل.

القرارات دي موجهة بشكل أساسي لشركات السياحة في جنوب سيناء، واللي من ضمنها إنهم لازم يكونوا معاهم التصاريح الخاصة بيهم لأي رحلات بيعملوها، وإن التصريح لازم يكون مكتوب فيه "غير مصرح بنزول البحر"، ده لأن الأنشطة البحرية لازم تتم بالإتفاق بين شركات السياحة ومراكز الغوص والسنوركل المتخصصة والمعتمدة من وزارة السياحة.

وبالنسبة لمراكز الغوص والأنشطة البحرية فلازم يطبقوا معايير الأمان والسلامة المعتمدة من الوزارة، واللي الهدف منها ومن بقية القرارات إن الرياضات البحرية تكون بتتم بنظام يضمن سلامة السياح، ويضمن كمان سمعة المزارات السياحية والأنشطة اللي بتتعمل فيها.

المصدر: مصراوي