share this article

بيروت مدينة جميلة، وتاريخها كبير وفيه تفاصيل كتير، ومناظرها الطبيعية تشد الواحد، والحياة فيها بالليل لا تقارن بأي حتة تانية في المنطقة. بس على الرغم من كل ده، بيروت ممكن تبقى غالية شوية ساعات، كل حاجة بالدولار والدنيا ممكن تفلت منك في الفلوس. لحسن الحظ في حاجات كتيرة ممكن تعملها في بيروت بفلوس قليلة جدًا أو ببلاش. سواء كنت سائح بيحاول يوفر فلوس أو لبناني مستني القبض، ده شوية حاجات ممكن تعملها من غير ما تضطر تعلن إفلاسك.

استكشف الحدائق والجناين في بيروت
المصدر: Beirutnightlife

بيروت بقالها فترة بتحاول تزود الحتت الخضراء ودلوقتي فيها أكتر من 20 حديقة وجنينة ممكن تقضى فيهم يوم لطيف مع عائلتك. الدخول لكتير منهم ببلاش زي "حرج بيروت" وفيه بتدفعلهم فلوس قليلية زي "زوك ميخائيل"، ب2000 ليرة لبنانية للكبار وببلاش للأطفال.
دول أسماء الجناين اللي في بيروت :
1- حديقة الكنيسة الإنجيلية الوطنية في بيروت
2- حديقة عبد الرحمن الحوت
3- حديقة جبران خليل جبران
4- حديقة ميدان الباشورة
5- حديقة حوض الولاية
6- حديقة وليد عيدو
7- حديقة Metropol Elias Audi
8- حديقة سانت نيكولاس
9- حديقة اليسوعيين
10- حديقة وليم حاوي
11- حديقة كارانتينا
12- حديقة حرش تابت
13- حديقة الأطفال
14- حرش بيروت بارك
15- حديقة السيوفي
16- حديقة المتحف

استكشف سوق الأحد
المصدر: Everplaces

سوق الأحد بيبتدي السبت مش الأحد، وبيقعد سبت وأحد. ده سوق فيه بياعين كتير وهتلاقي فيه أكل، وأنتيكات، وأسطوانات قديمة، وخردة، وحاجات تانية كتير. حتى لو مش هتشتري حاجة، السوق مسلي جدًا إنك تتمشى فيه.

احضر مهرجان أفلام
المصدر: Beirut Film Festival

هتلاقي مهرجانات أفلام في بيروت زي Cabriolet Film Festival، ودخول مهرجانات كتير من دول ببلاش وفي شوية بفلوس بسيطة.

مهرجانات موسيقى
المصدر: Mondanite

هتلاقي برضه مهرجانات موسيقى كتير في بيروت زي Beirut and Beyond International Music Festival. دخول المهرجانات دي مش غالي وفي كتير منهم أسعارهم من 20 إلى 50 دولار، اعرف باقي مهرجانات الموسيقى في لبنان

خد اتوبيس لشاطىء مجاني في صور
المصدر: Lebanon in a Picture

صور على بعد حوالي ساعة من بيروت وممكن تاخدلها باص ب2 دولار وتروح تقضي يوم في شاطىء مجاني وتعوم وتنبسط.
وريني السكة للطيري

روح مدينة ملاهي بيروت Beirut Luna Park

المصدر: Lebanon in a Picture

مقابل شوية دولارات ممكن تروح هناك وتشوف البحر والغروب من على الساقية (عجلة فيريس) من فوق، الملاهي بتفتح كل يوم ماعدا الأحد، مكانها في وسط بيروت
وريني السكة لLuna Park

روح مركز بيروت للفنون

المصدر: Le patiohotel
ممكن تروح تستكشف مركز بيروت للفنون وتشوف أخر معارض عاملينها، قريبين من وسط بيروت

العنوان: شارع جسر الواطي, من كورنيش النهر, مبنى 13
وريني السكة لمركز بيروت للفنون
ساعات العمل: تلات ,خميس, وجمعة 12م - 8م, الأربع 12م - 10م, السبت والحد 11ص - 6م

التليفون: 96101397018+
الفيسبوك: Beirut Art Center
الويب سايت: http://www.beirutartcenter.org/en/program 
الإيميل: info@beirutartcenter.org

لف على الباراتالمصدر: Timeout

من مار ميخائيل للجميزة، بيروت فيها بارات كتير ومش هتلاقي شارع غير وفيه بار. ممكن تاخد صحابك وتروح تشرب في كذا بار من بارات بيروت.

استكشف المباني المهجورة بالليل
المصدر: Geography lists

بيروت فيها مباني كتير متدمرة ومهجورة من أيام الحرب، لو حبيت تعمل مغامرة ممكن تروح تستكشف واحد من المباني دي بالليل، بس اختار واحد ما يكونش بيقع خلاص.

استكشف الجامعة الأمريكية في بيروت
المصدر: hargreavesjonesla

من أحلى الأماكن في بيروت وأكبر مساحة خضراء فيها، الجامعة الأمريكية فيها مركز طبي، و4 مكتبات، ومعارض فنية، ومتاحف، وحاجات تانية كتير ممكن تزورها، غير منظر ومعمار الحرم الجامعي الجميل نفسه.


العنوان: شارع بلس، بيروت
وريني السكة للجامعة الأمريكية في بيروت
التليفون: 350000/ 9611340460+ 
الفيسبوك: American University of Beirut
الويبسايت: https://www.aub.edu.lb
اليميل : visitors@aub.edu.lb

اتمشى على الكورنيش
المصدر: Scuddertravel

كورنيش بيروت مفروش نخل وبيبص على البحر المتوسط وجبال لبنان. الكورنيش مش محتاج تفكير كتير لو هنتكلم عن الحاجات الرخيصة، لإنه جميل فعلًا وممكن تنبسط بحاجة بسيطة زي إنك تشرب كباية شاي وإنت بتتفرج على الغروب من على الكورنيش.

توه في المدينة
المصدر: Lebanon in a Picture

الفكرة دي ممكن تبان مخيفة بس الموضوع بسيط. بيروت مدينة صغيرة وفيها حاجات كتير ممكن تعملها وإنت بتتمشى، سواء كنت لوحدك أو مع صاحبك، جرب تسيب نفسك تتوه في المدينة وتستكتشف الكافيهات والمطاعم، والمعارض الفنية، والمحلات، وكل الحاجات الحلوة اللي ممكن بيروت تقدمها لك.