share this article

من أول الحاجات اللي الناس بتعملها أما تزور بلد جديد هي إنهم بيبتدوا يروحوا المزارات ويستكشفوا المناطق المهمة والأثرية، بتبقى تجربة مسلية وحلوة بس متعبة في كتير من الأوقات، بس تخيل لو بتعمل كده وإنت قاعد في باص بدورين بياخدك لكل مكان من دول، تشوفه من غير ما تنزل لو عايز. الكلام ده بقى ممكن في لبنان، بداية من 4 مايو اللي جي ده، باصات شركة City Sightseeing السياحية، المشهورة جدًا في كذا بلد، هتبقى متاحة عشان تاخد الناس لمواقع لبنان الأثرية والمزارات، وهما قاعدين مرتاحين في باص أحمر مكشوف.

الباصات هيبقى فيها تعليق صوتي بكذا لغة، وهيعدوا على 16 من مزارات لبنان الشهيرة. ممكن السائح ينزل في أي مكان منهم يتفرج، ويقدر بعدها يركب باص تاني بنفس التذكرة الخاصة باليوم.

المصدر: The 961