share this article

في حاجات كتير ممكن تتعمل في مدينة جميلة زي بيروت، من الاستمتاع بالطبيعة في المدينة لحد السهر بليل في أماكن كتير، بس في حاجات تانية كتير حلوة في لبنان بره بيروت. الميزة إن بيروت مكانها مميز وفي وسط كل حاجة، فا تقدر تتحرك منها لكذا مدينة قريبة تقدر تشوف فيهم حاجات جميلة وتستكشف تاريخ كبير، وفي حتت قريبة من بيروت فيهم حاجات مسلية جدًا تتعمل. معظم المدن والأماكن دي على بعد أقل من ساعتين سواقة من بيروت ويستاهلوا المشوار.

مغارة جعيتا

المصدرGotolebanon
مغارة جعيتا عبارة عن مغارتين من الجير متصلتين، واحدة تحت وواحدة فوق، طولهم حوالي 9 كم. المغارة اللي تحت مينفعش تتدخل غير بمركب عشان ماشي فيها مياة عذبة بتوصل لمليون لبناني، والمغارة اللي فوق بتدخلها عن طريق ممر معمول مخصوص. الرحلة دي ممكن تخطفها في ساعتين الصبح ومناسبة للعائلة وهتبسط الأطفال، ومفيش قواعد مكتوبة ضد الحيوانات الأليفة. كمان عندهم مطعم فا مش هتحتاج تجيب أكل معاك.

العنوان: وادي الكلب، شارع كسروان، حوالي 21 كم شمال بيروت.
وريني السكة لمغارة جعيتا
مواعيد العمل
: المغارة بتفتح يوميًا من 9 ص - 5 م. لكن لما منسوب المياه بيعلى بتتقفل.

تليفون: 9619220841+
الفيسبوك: مغارة جعيتا
الويب سايت:  http://jeitagrotto.com
الإيميل: mapas@jeitagrotto.com

السعر: التذكرة لأقل من 15 سنة بـ 10268 ليرة (7 دولار)، لأكبر من 15 سنة بـ 18315 ليرة (12 دولار)، التكلفة شاملة استخدام القطار والتلفريك والمركب. تكلفة الركنة في الجراش بـ 2250 ليرة (1.5 دولار).

 Swings

المصدر: Swings
ده مكان ممكن العائلات تطلع تعمل خروجة فيه وينفع تأجر ترابيزات و شوايات للأكل في مكان جوّه جميل وآمن. كمان تعرف تعمل هناك تخييم وتقدر تأجر خيام وتختار من أنواع خيام مختلفة، من خيمة فردية بتكلفة 20 دولار، لخيمة تشيل 6 أشخاص بتكلفة 80 دولار. متاح كمان أنشطة كتير زي ركوب الموتسيكلات الجبلية، ومراجيح متعلقة في شجر، وترامبولين، و تمارين رماية بالأسهم. مسموح بالحيوانات الأليفة في مناطق مخصوصة، بس لازم دائمًا يكونوا مربوطين.

العنوان: طريق مار موسى، بعبدات، 30 كم من بيروت
وريني السكة لSwings
ساعات العمل: يوميًا من 9 ص - 2 ص
التليفون: 9613796648+
الفيسبوك: Swings
الويب سايت: http://www.swingscamp.com
الإيميل: info@swingscamp.com

التكاليف: الرسوم بتختلف حسب النشاط، ممكن تعرف أكتر من على موقعهم
المواصلات من بيروت: اركب باص أو تاكسي من وسط بيروت لطريق مار موسى.

Rio lento

المصدر: Cruncho
دي واحدة من مدن الألعاب المائية القليلة في لبنان وتعتبر أحلى واحدة فيهم، فيها حمامات سباحة كتير وزحاليق مائية وألعاب كتير في المياه. ممنوع في الأماكن المغلقة اصطحاب الحيوانات، إلا كلاب المساعدة لذوي الاحتياجات الخاصة. وممنوع الحيوانات كمان في حمامات السباحة. مش محتاج تجيب أكل معاك، في مطاعم في المكان بتقدم أكل كويس.

العنوان: المتن، نهر الكلب، حوالي 15-20 كم من بيروت.
وريني السكة لRio Lento
ساعات العمل: يوميًا من 10 ص- 6 م
التليفون: 9614915656+
الفيسبوك: Rio Lento
الويب سايت:  http://www.riolento.com
الإيميل: riolentowaterpark@gmail.com

التكاليف: من الاثنين للسبت: الكبار  35000 ليرة، والأطفال أقل من 10 سنين  25000 ليرة. في الأعياد ويوم الأحد: الكبار  40000 ليرة، والأطفال أقل من 10 سنين  30000 ليرة .
المواصلات من بيروت: اركب باص أو تاكسي من بيروت للمتن.        


جُبيل

المصدر: Aeworld
جبيل مدينة أثرية في قلب لبنان عمرها تقريبًا 7 آلاف سنة، وممكن هناك تتفرج على أماكن أثرية كتير، وأماكن دينية وتاريخية، زي قلعة جبيل، ودير مار مارون، وقبر القديس شربل، وسوق جبيل القديم اللي بينتهي على منطقة شاطئ البحر. جبيل فيها مطاعم كتير بتقدم كل أصناف الأكل، خاصة اللبناني. جبيل مدينة مناسبة للعيلة والأطفال والحيوانات.

العنوان: 38.5 كم شمال شرق بيروت
وريني السكة لجبيل
المواصلات من بيروت: اركب باص من بيروت أو تاكسي بتكلفة من 20- 30 دولار.


قرية أرنون

المصدرArnaoon Village
قرية أرنون مكان شبه Swings ، القرية دي شمال بيروت ومن الرحلات اللي ممكن تعملها وترجع في نفس اليوم. المكان ده بيتعمل فيه حفلات وممكن تقضي إجازة الأسبوع فيه كمان. في المكان أنشطة كتير تناسب العيلة، زي Zip Lines، وتسلق الجبال، وGo-Karting وحاجات كتير تانية. والقرية معروف أن فيها بوفيه ممتاز، فمش لازم تجيب أكل معاك.


العنوان: الطريق السريع، طريق قلعة مسيلحة، حوالي 70 كم من بيروت.
وريني السكة لقرية ارنون
ساعات العمل: 10ص 5م

التليفون: 9616642111+
الفيسبوك: Arnoaoon Village
الويب سايت: http://www.arnaoonvillage.com
الإيميل:  arnaoon@arnaoonvillage.com

التكاليف: بتختلف على حسب النشاط، ممكن تعرف التفاصيل على موقعهم.
المواصلات من بيروت: اركب باص من بيروت أو تاكسي.

شلال بترا

المصدر: Jack Seikaly
 من أجمل المناظر الطبيعية في بيروت، ومن أقدم شلالات العالم، شلال بترا اكتشف في 1952، ومن سنة 1980 وهو بيستقبل الزوار. مياه الشلال بتنزل من ارتفاع 255 متر، وبتعدي من 3 فتحات (جسور)، لغاية ما توصل للمغارة. المنظر ده مينفعش تشوفه غير في مارس وأبريل لما الثلج يذوب عشان تشوف المياه، فا اتأكد إنك رايح في الوقت الصح. تقدر تمارس رياضة التسلق على الجبل هناك.


العنوان: تنورين، 70 كم شمال بيروت
وريني السكة لشلال بترا
المواصلات
: اركب باص أو تاكسي أو أجر عربية، قرية ‘بلا’ بين تنورين ولقلوق، والشلال على بعد 5 دقائق من بلا.


سكاي مزار/ مزار كفردبيان
المصدر: Lebanon in a Picture 
بما إنك مينفعش تتزحلق على الجليد في الصحراء، لبنان هي المكان اللي الناس بتروحه في الشرق الأوسط علشان يتزحلقوا على الجليد. كل شتاء بيروح لها هواة ومحترفي رياضة التزحلق على الجليد من كل العالم، بالأخص في سكاي مزار.
المكان على ارتفاع حوالي 2500 متر عن سطح البحر، وفيه حوالي 80 كم من المنحدرات. وفيها شارع ستريت فود مشهور بالأكل الممتاز.


العنوان: مركز نصير، جعيتا، كسروان، بين قريتي فابيا وكفر دبيان، على بعد ساعة من بيروت.
وريني السكة لسكاي مزار
التليفون: 96193410342+

الويب سايت:  http://www.skimzaar.com
الإيميل: info@skimzaar.com

ساعات العمل: 24 ساعة، 7 أيام في الأسبوع


بعلبك
المصدر: Tiffany
مدينة بعلبك فيها كذا معبد روماني كبار ومحفوظين في حالة كويسة، وبعلبك كمان موقع تراث عالمي لليونسكو ومدينة جميلة تستكشفها. في حاجات كتير ممكن تشوفها في بعلبك زي معابد باخوس وجوبيتر المشهورين.


العنوان: حوالي 85 كم شمال شرق بيروت
وريني السكة لبعلبك
المواصلات: ممكن تركب باص أو تاكسي لمدينة بعلبك.


Château Ksara
المصدر: Terrace Restaurant and Lounge
دي شركة نبيذ (Wine) في سهل البقاع في لبنان، الشركة دي اتأسست سنة 1857 واللي أسسها مجموعة من الرهبان، النبيذ متخزن في كهوف طبيعية جميلة. Château Ksara عملوا أول نبيذ جاف في لبنان، وتقدر تاخد جولة في واحد من أحلى مصانع النبيذ في لبنان وتستكشف الكَرْم، وتستمتع بتذوق النبيذ ووجباتهم الشهية.


العنوان: كسارة، محافظة البقاع، حوالي 30 كم شرق بيروت
وريني السكة لChâteau Ksara
ساعات العمل: من 9 ص – 5 م 
التليفون : 9618813495/6+
الفيسبوك: Château Ksara
الويب سايت: http://www.chateauksara.com/en 
الإيميل: info@ksara.com.lb

البترون

المصدر Lebanon in a Picture
دي مدينة ساحلية تانية في لبنان وواحدة من أقدم مدن العالم، ومركز سياحي كبير في لبنان. المدينة دي فيها كنائس كاثوليكية وأورثودوكس تاريخية، والبترون كمان مشهورة بالشواطىء الجميلة وفيها نوادي ليلية وبارات كتير حلوين.


العنوان: حوالي 55 كم شمال بيروت
وريني السكة للبترون
المواصلات: اركب باص أو تاكسي من بيروت للبترون.