share this article

في يوم كان "إكرام" زينا كلنا قاعد في البيت في ميونيخ في المانيا، بس شوارع إسطنبول وحشته بزحمتها ودوشتها وكل تفاصيلها، أصل هو أصلا تركي بس بيدرس دلوقتي في ميونيخ المهم إنه قرر يفتح اليوتيوب ويتفرج على فيديو لشوارع إسطنبول قوم جاتله فكرة ليه ميشغلش موسيقى تركي كمان وفعلا عمل كده.

من هنا جاتله فكرة أبليكشين Drive and Listen، "إكرام" حس إنه أكيد في ناس كتير زيه وحشتهم بلدهم أو ناس عايزة تشوف أماكن جديدة، فعمل أبليكشين يخليك كأنك سايق في البلد، أول لما بتخش على الأبليكشين هتختار البلد اللي أنت عايز تشوفها وبعدين هتختار إنك تسمع أصوات الشارع هناك أو تسمع محطة راديو في البلد دي عشان التجربة تكون أحلى، إكرام جمع الفيديوهات اللي ابتدى بيها الأبليكشين من على الإنترنت عادي وبعدين لاقى إن الناس بتبعتله فيديوهات وبقى تقريبا بيزود مكان جديد كل يوم وصل تقريبا لـ38 مدينة ولسه بيزود، يا رب بس بعد الكورونا ما تعدي نفتكر إزاي كنا بنخرج بره الأوضة. 

المصدر: Lonely Planet