share this article

بص يا سيدي عشان دي فرصة وجت لحد عندك، والكورونا زي ما فيها نص كوباية فاضي في نص مليان، وعمال يبسطنا ويفرجنا على الدنيا، ولو البحر وحشك ونفسك تشوفه حتى ولو من بعيد ودي أقصى طموحاتك، فبشرى سارة Red Sea Diving Safari هيغطسوك مش بس هيوروك البحر.

مركز غطس في مرسى علم، وعندهم 3 إيكو لودجز مرسى شجرة، مرسى نكيري، ووادي لحمي، والـ3 أماكن مواقع هايلة للغطس والسنوركل والكايت سيرفينج، إيت إيز البحر الأحمر يعني، ومش أي مكان دي مرسى علم، فيها أحلى أماكن غطس في مصر كلها ومش هتلاقي حد بيغطس ماغطسش هناك مع الدلافين والقروش، والدجونج، وشاف السلاحف، في مرسى علم البحر مبهر الصراحة، وهم مش هيبخلوا على الدنيا بالجمال اللي عايشين فيه عشان كده على الويب سايت بتاعهم هتلاقي فيديوهات جميلة لغطسات كأنك بالظبط فيها معهم، وهتلاقي كل الأسماك اللي تتخيلها عايمة حواليك، دي فرصتك تشوف مرسى علم وتجرب الغطس لغاية ما تاخد رخصة غطس.

المصدر: Red Sea Diving Safari