share this article

مش هتلاقي دول كتير فيها تنوع زي الهند. ممكن تقضي سنة هناك وبرضه مش هتكون لحقت تشوف كل الأماكن الطبيعية اللي ممكن تشوفها ولا هتكون لحقت تقابل كل الناس والثقافات المختلفة اللي ممكن تقابلهم, بس على الأقل لازم تبدأ. إستخراج فيزا سياحية للهند بسهولة إنك تملى استمارة تقديم أونلاين وتطبعها وتوقعها وتروح بيها مع شوية ورق لمركز تقديم الفيزا المعتمد، وده اللي بيتعامل مع إجراءات فيزا الهند في الإمارات.

 

بيانات المركز

المركز ليه فروع كتير في الإمارات، بس الفرع الرئيسي في دبي.

العنوان

507، Habib Bank AG Zurich، مبني الجوهرة، شارع البنك، بر دبي، جنب بنك ADCB.

ساعات العمل

السبت- الخميس من 8 صباحًا إلى 12 ظهرًا l من 1 ظهرًا إلى 6 مساءً.

أرقام التليفون

+971-4-3875777

+971-4-2555530

البريد الإلكتروني

blspremiumdxb@blsindiavisa-uae.com

 

 

 

الأوراق المطلوبة للفيزا السياحية

  • استمارة التقديم مكتوبة بالإنجليزي بس
  • جواز سفر صالح لمدة 6 شهور وفيه على الأقل صفحتين فاضيين. لو ده مش موجود استخرج جواز سفر جديد بالإجراءات دي.
  • رسالة موافقة من الأهل لأي قاصر تحت 18 سنة.
  • صورة حديثة بأبعاد (51 x 51)، شرط تكون الخلفية بيضاء ومتكونش أقدم من 3 شهور.
  • تذكرة عودة
  • نسخة من حجز الفندق

 

مدة التأشيرة وتكلفة كل واحدة

تكلفة الفيزا السياحية بتختلف حسب هتقعد قد ايه وهتقدم من أي إمارة وكمان عدد المرات اللي ناوي تخش بيها الهند بنفس الفيزا. ممكن تشوف الآلة الحاسبة الخاصة بمركز تقديم الفيزا عشان تعرف التكاليف المختلفة.

  • لو مواطن إماراتي مقيم في دبي وهتقدم على فيزا دخول مرة واحدة، التكاليف للفيزا السياحية هتكون كده:
  • فيزا سياحية لمدة 3 شهور: 150 درهم اماراتي
  • فيزا سياحية لمدة 6 شهور: 370 درهم اماراتي
  • لو مواطن إماراتي مقيم في أبو ظبي، التكاليف كده:
  • فيزا سياحية من 3 إلى 6 شهور: 370 درهم إماراتي 

أسئلة مهمة

أقدم ليه عن طريق المركز؟
المركز ده معتمد من السفارة الهندية وبيتكفل بإجراءات الفيزا في الإمارات بالنيابة عن السفارة.

هل المركز بياخد رسوم مقابل خدماته؟
تكلفة مركز تقديم الفيزا 37.5 درهم إماراتي لخدماته.

الفيزا بتاخد وقت قد إيه عشان تطلع؟
الطلبات بيتوافق عليها في خلال 5-7 أيام من تاريخ التقديم.

إزاي ممكن أسافر مع عيلتي؟
ممكن الشخص اللي هيقدم على الفيزا يقدم بالنيابة عن أسرته كلها استمارتهم، بس هيقدم مع الأوراق بطاقة شخصية وإمضاء كل فرد.

لو معايا فيزا الهند، ممكن تمنعني من دخول أي دولة تانية؟
لأ, تأشيرة الهند مش هتمنعك من دخول أي بلد تانية.

 لو الفيزا اترفضت، ده هيأثر على فرصتي في التقديم تاني؟
لأ، تقدر تقدم تاني، بس تكاليف الفيزا مش بترجع, ولا بتتنقل أو تتحول لحد تاني.

محتاج تطعيمات لو مسافر الهند؟
مفيش تطعيمات إجبارية لو مسافر الهند، بس مركز المكافحة والوقاية ضد الأمراض بينصح بالتطعيمات دي : فيروس A, وتيفويد من باب الوقاية. وبصفة عامة يُفضل اتباع قواعد النظافة العامة - تغسل ايدك كويس قبل الأكل، وتاكل الحاجات الطازة، وماتشربش من الحنفية، اشرب مياه معدنية أفضل، إلخ.

إيه الإجراءات المطلوبة لو عايز اسافر مع حيواني الأليف؟
لو هتاخد معاك حيوانك الأليف في الهندهتحتاج تقدم الأوراق دي:

  1. أي حيوان أليف محتاج "جواز سفر الحيوانات الأليفة".
  1. لازم تقدم الاستمارة الصحية الخاصة بالهند ويكون الدكتور البيطري هو اللي ملاها
    في إستمارة للقطط certificate for cats وإستمارة لكلاب certificate for dogs
  2. إثبات إن الحيوان الأليف واخد تطعيم ضد ( سل الكلاب, إلتهاب الكبد, فيروس البارفو, داء اللولبية النحيفة, والإنفلوانزا, والقطط لازم تطعم ضد FVRCP, وإلتهاب الأمعاء, وقلة الكريات البيضاء)
  3. يكون معاه الشريحة الإلكترونية (بتبقى تحت الجلد) وتكون متوثقة في جواز السفر.
  1. إذن استيراد.
  2. اختبار دم.

 

خد نفس عميق إنت خلصت كل الإجراءات وجاهز تشوف تاج محل وبقية الهند، وفي رحلة جميلة مستنياك،  شوية نصايح عشان تجهز شنطتك. (لينك)

لو عندك أي معلومات زيادة عن إجراءات فيزا "الهند"، ياريت تبعتلنا إيميل (لينك)، فيه كل اقتراحاتك. احنا بنحاول طول الوقت نحدث بياناتنا من خلال السفارات والمؤسسات الحكومية، وتجاربنا الشخصية.

رحت "الهند" قبل كده؟ هننبسط جدًا لو شاركتنا قصتك وصور مغامراتك! (لينك).

آخر تحديث 14 أغسطس 2018