share this article

مفيش حاليًا فيزا سياحة للسعودية، بس تقدر تطلع أنواع فيزا تانية للبلد. أول حاجة، فيزا الحج والعمرة بتطلع من شركات سياحة. غير كده، ممكن تطلع فيزا زيارة أهل لو هتزور قريب ليك شغال في السعودية، ودي بتطلع من مركز الفيزا في مصر.

بيانات  VFS Tasheel  

العنوان
المنيل: سرايات الروضة، 61 شارع عبد العزيز آل سعود، المنيل، القاهرة
التجمع الخامس: Summit  44، شارع التسعين الشمالي، المنطقة الخامسة
شيراتون: شيراتون، هليوبوليس، قريب من طريق المطار
الجيزة: 6 شارع نوال، الجيزة
4 شارع الفواكه، المهندسين، الجيزة

*في فروع تانية في المحافظات، وتقدر تعرفهم من موقع المركز

ساعات العمل
الأحد إلى الخميس
تقديم الطلبات: 9 ص – 5 م
استلام الباسبورت: 3 م – 5 م

الإيميل
تقدر تتواصل مع المركز على موقعهم

*مش إجباري تحجز معاد قبل ما تروح المركز، بس يفضل تعمل كده عشان متستناش كتير هناك، وكمان في عدد معين مسموح بيه للناس اللي مسموح يخشوا من غير معاد.

الأوراق المطلوبة لفيزا زيارة الأهل

  • باسبورت صالح لمدة 6 شهور وفيه صفحتين فاضيين منه، ونسخة
  • 3 صور حديثة بخلفية بيضاء
  • استمارة تقديم الفيزا من الجهة المختصة في السعودية (استمارة إنجاز)
  • إثبات صلة القرابة بينك وبين قريبك اللي مسافرله (قسيمة جواز، شهادة ميلاد، إلخ..)
  • نسخة من إقامة مُرسل الدعوة (اللي بعتلك جواب إنك تطلعله)
  • للأطفال تحت 14 سنة، باسبورت مرافق وفيه فيزا صالحة
  • رسالة ما قبل الموافقة (بتطلع من وزارة الخارجية السعودية)

*طريقة الدفع في المركز كاش

*الأوراق اللي تحت دي بتطلع من مكتب التوثيق والتسجيل وبتتوثق من وزارة الخارجية كمان:

1) توثيق بعدم جواز أي بنت فوق ال18 سنة

2) توثيق بموافقة الوصي القانوني على سفر أي ذكر تحت 16 وأي بنت لحد 46 سنة

3) توثيق بموافقة الزوج على سفر زوجته للذكر تحت 16 والبنت لحد 46

ملاحظة

  • من أول 12 سبتمبر 2017، لازم تسجيل البيانات البيومترية لكل الفيز معادا الحج والعمرة، وده يتعمل في مركز تقديم الفيزا ساعة ما تقدم. أي حد تحت 6 أو فوق ال80 معفي من البيانات البيومترية. لازم طالب الفيزا ييجي بنفسه.
  • تأمين صحي إجباري هيبقى مطلوب لكل الفيز فلازم تدفع فلوسه على إنجاز في المركز.

الخطوات

  • خش على موقع VFS TasHeel واحجز معاد أونلاين.
  • هتروح في المعاد وورقك هيتراجع في الإستقبال، وبتاخد وصل وبتستنى. هتدفع وتقدم ورقك وتكمل استمارة إنجاز.
  • هيتاخد بياناتك البيومترية (صورتك وبصمتك)
  • المركز هيقدم ورقك وباسبورك للقنصلة عشان يراجعوه.
  • هترجع تستلم جوازك في المعاد اللي متحددلك.

التكاليف

فيزا زيارة عائلية: 10,030 جنيه مصري
مصاريف إنجاز: 198 جنيه مصري
تكاليف الخدمة: 474 جنيه مصري

تصاريح الجيش

لو واخد إعفاء نهائي من الجيش مش هتحتاج تصريح سفر، بس المفروض تثبت في جواز السفر إنك معفي من الخدمة.

لو أنت لسه في سن التجنيد -من 18 ل 30 سنة- حتي لو قضيت خدمتك، هتحتاج تطلّع تصريح سفر من الجيش لكل سفرية.

 في حالات تانية ممكن تحتاج فيها تصريح سفر من الجيش لو أنت لسه في سن التجنيد.

أسئلة مهمة

الفيزا بتاخد وقت قد إيه عشان تطلع؟
من يوم ل7، بس ممكن تطول حسب السفارة.

محتاج تصريح أمني من مجمع التحرير؟
لأ، مش هتحتاج تصريح أمني من مجمع التحرير.

محتاج قيد عائلي عشان أسافر؟
لأ، مش مطلوب.

محتاج كشف حساب؟
لأ، مش محتاجه.

محتاج شهادة تحركات؟
لأ، مش محتاجها.

محتاج فيزا لو نازل ترانزيت؟
لو هتعدي في البلد ومش هتطلع من المطار، مش هتحتاج فيزا ترانزيت.

إيه إجراءات الفيزا للأطفال؟
للأطفال تحت 14 سنة، باسبورت مرافق وفيه فيزا صالحة مطلوب.

في حاجة تمنع إني أطلع الفيزا دي؟
الناس اللي من قطر مش مسموح بدخولهم، وأي زائر معاه جواز عليه ختم إسرائيلي ممكن يتمنع من الدخول.

محتاج تطعيمات لو مسافر السعودية؟
مفيش تطعيمات إجبارية لو مسافر اليونان، بس مركز المكافحة والوقاية ضد الأمراض بينصح بالتطعيمات دي من باب الوقاية. بصفة عامة يُفضل اتباع قواعد النظافة العامة - تغسل ايدك كويس قبل الأكل، وتاكل الحاجات الطازة، وماتشربش من الحنفية، اشرب مياه معدنية أفضل، إلخ.