share this article

الأردن حرفيًا مأهولة بقالها مئات آلاف السنين، في ممالك وإمبراطوريات قامت في البلد على مر العصور، فتاريخ الأردن ضخم ومليان تفاصيل كتير جدًا. مفيش بلاد كتير تاريخها واسع وشامل زي الأردن، بس الجميل إن الأردن مش تاريخ بس، آه في كتير من ده بس هتلاقي كمان طبيعة جميلة ومحميات طبيعية والبحر الميت وأماكن تانية جميلة كتير. والأحلى من كل ده، إن الأردن مش عاملة فيزا للمصريين!

بيانات السفارة

العنوان:
6 شارع باسم الكاتب، الدقي، الجيزة

التليفون:
0237485566

الفاكس:
202-7601027+

الإيميل:
cairo@fm.gov.jo

ساعات العمل:
9 ص – 3 م

مفيش متطلبات فيزا للمصريين، اللي هتعمله إنك هتوصل المطار في الأردن وباسبورك هيتختم عليه. بس يُفضل تاخد معاك حجز فندق عشان ساعات بيسألوا عليه في المطار.

*خد بالك إن للمصريين اللي رايحين الأردن سياحة، لازم تخش من المطار. مش هيتسمحلك تخش من العبارة من سيناء للعقبة غير لو إنت عامل مصري شغال في الأردن ومعاك إقامة صالحة.

خليك كمان فاكر إنك هتحتاج تصريح أمني من مجمع التحرير لو باسبورك مش مثبت فيه مهنتك، غير كده غالبًا مش هتحتاج. بس بننصح دايمًا تروح تسال كده كده في المجمع عشان تتأكد. ومتنساش كمان تصريح السفر من الجيش لو إنت في سن التجنيد.