share this article

الولايات المتحدة وجهة الأحلام للكثير من الناس، مع ذلك عملية الحصول على تأشيرتها من ضمن الأصعب في العالم وكثيرًا يتم رفض طلبات التقديم. ومع أن جواز السفر الإماراتي هو الأقوى في العالم، ويسمح بدخول 167 دولة في العالم بدون فيزا، الإماراتيين لسه محتاجين فيزا لدخول أمريكا. لكن ببعض التخطيط والاستعداد، هتجد إن الموضوع بسيط.

بيانات السفارة

العنوان
شارع المطار في ربدان، شارع 29، مقاطعة السفارات، منطقة 38، قطاع W59-02، شارع 4، أبو ظبي

ساعات العمل
الأحد-الخميس من 8 صباحًا إلى 5 مساءً.

رقم التليفون
+ 971-2 414 2200

رقم الفاكس
تجاري: +971 2 610 1585

شركات: +971 2 610 1586

بيانات القنصلية

العنوان
ناصية طريق السيف وشارع الشيخ خليفة بن زايد، دبي

ساعات العمل
الأحد-الخميس من 8 صباحًا إلى 5 مساءً.

رقم التليفون
+971-4-309-4000

رقم الفاكس
تجاري: +971 2 610 1585

شركات: +971 2 610 1586

 

الخطوات

  • حدد نوع الفيزا للسفر للولايات المتحدة، الفيزا السياحية اسمها B2
  • املأ استمارة الفيزا أونلاين، DS-160. يجب على كل شخص يرغب في الفيزا ملأ الاستمارة قبل استعمال أي خدمات على الموقع
  • ادخل على الموقع وكمل الخطوات التالية لتحدد ميعاد مقابلة:
    • اعمل حساب جديد
    • ادخل رقم التأكيد الخاص بالاستمارة DS-160 لكل شخص يتقدم للحصول على الفيزا
    • اكمل بيانات الشحن الخاصة بإعادة المستندات
    • ادفع تكاليف الفيزا
    • حدد ميعاد مقابلة
  • احضر المقابلة
  • بعد المقابلة، اتبع التعليمات الموضحة على الموقع أو تابع الموقع لتعرف حالة الفيزا ومعلومات التوصيل

 

المفروض تكون محضر الأوراق دي أنت بتكمل الاستمارة DS-160 وأثناء المقابلة:

  • جواز السفر
  • خط سير الرحلة، لو جاهز
  • تاريخ أخر 5 زيارات للولايات المتحدة لو زرتها من قبل، ممكن كمان تسئل عن تاريخ السفر الدولي لأخر 5 سنين
  • سيرة ذاتية موضحة التعليم وتاريخ التوظيف
  • صورتين 5 سم في 5 سم بمواصفات معينة

 

أوراق إضافية

الأوراق دي ليست إجبارية، بس يفضل تاخدهم معك (نسخ أصلية مش صور) لأنهم من العوامل التي ستؤخذ في الاعتبار خلال المقابلة:

  • إثبات دخل وضرائب، وأي إثبات ملكية عقارات أو أشغال خاصة أو أصول
  • رسالة من قسم الشئون البشرية في عملك توضح لقبك، مرتبك، مدة عملك في الشركة
  • دليل خدمة في الجيش الإيراني للإيرانيين أو إعفاء
  • لو زرت أمريكا، إثبات ذلك عن طريق الفيزا والمستندات
  • نسخة من فيزا أمريكا لأي مرافقين
  • أفراد العائلة المصاحبين يجب أن يقدموا شهادة زواج أو ميلاد للأطفال تحت 21 سنة، غير المتزوجين

 

رسوم الفيزا

رسوم الفيزا السياحية 160 دولار.

 

أقدم قبل الفيزا بوقت قد ايه؟
بننصح بشدة اللي هيقدم يبتدي عملية التقديم قبل معاد السفر ب3 شهور عشان المواعيد بتبقى محجوزة شهرين ثلاثة مقدمًا، وعملية التقديم ممكن تاخد من 90-120 يوم في بعض الحالات.

محتاج كشف حساب لكي أقدم؟

يفضل وجوده، آه.

 

محتاج فيزا لو نازل ترانزيت في أمريكا؟
لو نازل ترانزيت في أمريكا، هتحتاج فيزا ترانزيت وإجراءاتها زي الفيزا السياحية بالظبط، مغ إثبات طبعًا إنك مش هتقعد في أمريكا ومكمل لدولة تانية.

إيه إجراءات الفيزا للأطفال؟
الطفل هيحتاج فيزا عشان يسافر لأمريكا وهتحتاج تدفعله الرسوم، بس لو الطفل أقل من 14 سنة مش هيحتاج يحضر المقابلة.

 

ممكن أسافر مع عائلتي؟ 
اه، بس كل واحد باستماراته ورسوم تقديمه.

ايه رقم CGI reference number؟
ده رقم على الوصل بتاع مصاريف الفيزا، فلازم تحتفظ بيه.

ممكن أقعد في البلد قد ايه بفيزا سياحة؟
دي هتعتمد على ظابط الجمارك والجوازات. فيزا السياحة لغير المهاجرين بتديك إذن تخش أمريكا من الجو أو البحر، ولما توصل ظابط الجمارك هو اللي بيحدد الفترة اللي ممكن تقعدها في البلد والسلطة دي معاه بس بغض النظر عن المدة اللي مكتوبة في الفيزا.

.

أعمل إيه لو شغال freelancer ؟
المشكلة لو معرفتش توفر HR letter للسفارات اللي طالباها، إن بيبقى في خوف إنك تخلع وتكسر الفيزا ومترجعش، عشان كده عندك طريقتين تقدر تبين بيهم إنك راجع وتفهمهم إنك مكفي نفسك:

  • عندك إثبات إنك شغال freelancer مع شركة مثلًا، يعني تقدر تقدم كشف حساب من البنك باين فيه دفعات فلوس بتجيلك شهريًا من الشركة دي، يا كده يا تقدم العقد اللي بينك وما بينهم – لو في واحد. ممكن برضه تبقى شغال freelancer مع أفراد مش شركة ومفيش ما بينكم عقد، ساعتها هتقدم كشف حساب بدفعات الفلوس اللي بتجيلك شهريًا.
  • تقدر تقدم كشف حساب باين فيه فلوس كتير في حسابك كدليل إن عندك حاجة ترجعلها، أو تقدم بيانات بأي أصول عندك (أرض، عقارات، إلخ..) كدليل إنك ناوي ترجع.
  • ممكن تبقى عاطل ومعاك ألفين جنيه في البنك وجواز سفرك مكتوب فيه "حاصل على بكالوريوس كذا"، ساعتها هتقدم وتجرب حظك، بس ما تعشمش نفسك أوي.

ايه اللي يحصل لو كسرت الفيزا؟
ممكن تتعرض لعواقب شديدة زي إن تأشيرتك تتلغي ومتقدرش تقدم على تأشيرة جديدة من خارج بلدك. في بعض الحالات  تتمنع من دخول أمريكا لعدد من السنين، حسب قعدت قد ايه زيادة، أو ينطبق عليك حالة إستثنائية ولا وجودك غير قانوني ودا بيفرق تحت تصنيفات القانون.

محتاج تطعيمات لو مسافر الولايات المتحدة؟
مفيش تطعيمات إجبارية مطلوبة لو مسافر الولايات المتحدة.

إيه الإجراءات المطلوبة لو عايز اسافر مع حيواني الأليف؟

هتحناج الأوراق دي عشان تسافر مع حيوانك الأليف  

  • شهادة صحية طالعة من دكتور بيطري مترخص في بلدك.
  • إثبات إن الحيوان الأليف واخد تطعيم ضد داء الكلب -السُعار- قبل وصوله أمريكا ب30 يوم (القطط الصغيرة مش لازم).