share this article

World Nomads بتقدم منحة كل فبراير لهواة الكتابة في أدب الرحلات في إنهم يطلعوا سفرية للبرتغال لمدة 14 يوم. المنحة بتختار 3 أشخاص بس على مستوى العالم، واللي بيفوز بالمنحة بيتوفرلوا:
- الفيزا
- الطيران
- الإقامة
- الأكل والشرب
- تأمين سفر
- ورشة لمدة 4 أيام واللي هيقدمها Tim Neville وهو كاتب بروفيشنال في جريدة نيويورك تايمز
- عدد من كتاب الإرشاد السياحي Lonely Planet في موضوع ازاي تبقى كاتب رحلات
- مبلغ  1000$
- شهر لفة في أوروبا
يعني من الأخر اللي هياخد المنحة دي هيعيش شهر من حياته ملك، زائد إنك مش بس رايح تتفسح إنت كمان بتتعلم وبتكتب وحاجاتك دي بتتنشر على ويبسايتس مُهمة وهتبقى حاجة قد إيه مهمة في كاريرك المهني.
ازاي بقى تقدم على المنحة دي:
 هتخش في الأول على الأبليكشن من هنا بعدين هتلاقي أسئلة عادية عن إسمك وجنسيتك، وبعديها هتختار موضوع القصة بتاعتك، وتكتب قصة متزدش عن 700 كلمة والشرط  ده على الرغم  من إنه يبان سهل بس في الحقيقة أما تيجي تكتب هتحس إنه صعب شوية في إنك تحبك قصة كاملة في 700 كلمة بس! الحل إنك تشوف قصص المتسابقين اللي فازوا في السنين اللي فاتت، وتشوف الموضوع كان ماشي إزاي، وتخلي كذا حد موثوق فيه يقرأ قصتك عشان تشوف من بره القصة حقيقي مُسلية ومفيهاش أخطاء إملائية وجاهزة على التقديم.
اخر ميعاد ممكن تقدم فيه هو 13/03/2019 وهيردوا على الناس اللي فازت في 30/04/2019 والرحلة هتبدأ في 13/08/2019.

المصدر: World Nomads