share this article

حالات الغرق في نهر النيل اللي بتحصل بشكل مستمر في محافظة أسوان واللي وصلت لدرجة 6 حالات غرق في شهر واحد؛ اضطرت المحافظة إنها تصدر قرار رسمي بيمنع السباحة في النيل، وتخصص دوريات مرورية تتابع بنفسها إن القرار بيتنفذ أو بتحصل عقوبة لأي حد يخالفه.

السبب أو التفسير بيرجع في الغالب للدوامات المائية اللي بتبقى في مياه النهر، واللي مهما كان الشخص بيعرف يعوم في النهاية مش هيقدر يتصرف لما دوامة تسحبه، وده اللي بيحصل مع ناس كتير خصوصاً في أسوان؛ لأن النيل بالنسبة لهم هو المتنفس والشاطىء الوحيد؛ وهو المكان اللي العائلات والشباب بيروحوله عشان يتفسحوا، لكن كتر حالات الغرق مكانش فيه طريقة للسيطرة عليها غير منع السباحة فيه تماماً.

والبديل اللي اقترحته المحافظة هو إن الناس تقدر تروح النوادي أو مراكز الشباب وتعوم في حمامات السباحة اللي فيها عوامل أمان وسلامة، بدل من النيل اللي ممكن يتحول من فسحة وانبساط لكارثة تتسبب في وفاة جديدة.

المصدر: Gulf News