share this article

معروف إن كل المطارات تقريباً بتوفر للمسافرين خدمات انترنت مجانية جوة صالات المطار؛ وعلى حسب كل بلد ممكن تلاقي الإنترنت مفتوح أو يبقى متاح لوقت معين بس مثلاً نص ساعة أو ساعة تلحق تفتح فيهم جوجل مابس أو تطلب أوبر أو تشوف حاجة محتاج الإنترنت فيها ضروري، في بيروت وفي مطار رفيق الحريري؛ الحكومة أعلنت إن خدمة الإنترنت هتبقى 5G، يعني لو ده حصل ساعتها هتقضي وقت انتظارك في المطار بتتفرج على حلقات فاتتك على نيتفلكس مش بس بتبص على الحاجات الضرورية اللي خايف تخلص عليها الباقة بتاعتك.

وواضح إن ده حصل بعد كمية الشكاوي وبوستات السوشيال ميديا اللي بتشتكي من الطوابير المبالغ فيها في المطار والزحمة وحالة الهرجلة وعدم النظام من أول لحظة دخول المطار لحد التفتيش والجوازات، بس مكانش الرد عليها هو تطوير شبكة الإنترنت بس لكن كمان حصلت عملية توسيع وتطوير لصالات المطار والطريقة اللي بتتم بيها الإجراءات عشان تكون أسهل وأسرع.

لو الخبر ده هيخليك تخطط رحلة قريب لبيروت؛ متنساش تبص على دليل سفرية اللي فيه كل اللي محتاج تعرفه عن بيروت.

المصدر: The 961