share this article

تفتكروا جه الوقت اللي نفتكر فيه كنا بنسافر إزاي؟ وتوضيب الشنطة والحركات دي، عندك حبة وقت تستعد وتسترجع فيه الذكريات، أو تقريبا هتحتاج تفتكر بتقوم من على الكنبة إزاي الأول عشان تعمل أي حاجة تانية، وعشان خلاص الأخبار الحلوة بدأت تهل علينا.

قريب كنا سمعنا إن خلاص في بلدان فكت الحظر وبترجع لحياتها وعندهم خطط لرجوع الطيران والسفر، زي إيطاليا واليونان، ودلوقتي شركة طيران كوندور الالمانية أعلنت إن هترجع تطير تاني في أول يوليو لـ 8 وجهات مختلفة منهم الغردقة، وهيكون في رحلة كل إتنين وخميس، والوجهات التانية في المغرب، اليونان، اسبانيا، تركيا، كرواتيا، قبرص، وايطاليا، وجزيرة سيلت، الرحلات دي هتقوم من 9 مطارات مختلفة في المانيا، الماسك إجباري في الرحلات دي لغاية 31 أغسطس لما يقيموا الوضع تاني ويشوفوا محتاجين إيه.

هو آه لسه محدش عارف الحياة هيبقى شكلها إيه بالظبط بس أهو بنستكشف سوا، وكل اللي نعرفه إن الماسكات والتباعد الإجتماعي هم أهم حاجة في الحياة مع الكورونا.

المصدر: Egypt Independent