share this article

مفيش حد ميعرفش ديزني، واحدة من أكبر شركات الفن والترفيه على مستوى العالم اللي أفلامها وكارتوناتها كبروا معانا. اللي ناس كتير متعرفوش إن الشركة ليها دراع خاص بالرحلات السياحية اسمه Adventures by Disney، وأعلنوا إن مصر من أهم الوجهات السياحية بالنسبة لهم في 2020. هيبقى في رحلات مخصوصة لمدة 10 أيام، لحوالي 22 مكان مختلف في مصر، من القاهرة للأقصر وأسوان وشرم الشيخ، وغيرهم.

الرحلة هتشمل زيارة الأماكن السياحية المشهورة زي الأهرامات، قلعة صلاح الدين، مسجد محمد علي، المتحف المصري الجديد، معابد الأقصر وأسوان، وغيرهم. هيبقى في كمان رحلة على باخرة في النيل لمدة كذا يوم، وأنشطة شعبية زي قعدات فولكلور ووشم بالحنة، وحاجات تانية. الزوار كمان هيروحو يعملوا سنوركلينج في راس محمد ويستمتعوا بالمناظر الطبيعية اللي هناك. حجز الرحلات المبكر يبتدي من الشهر ده.

المصدر: Egypt Today