share this article

من الحاجات الحلوة اللي شوفناها الوقت اللي فات، ولو كنت فاكر إن مفيش حاجة أحلى من إن سباعي نجح ونفذ الخطة وسرقوا البنك وهتبقى مليونير مليونير، أحب أقولك إن في حاجات لطيفة جدا بتحصل في العالم والكورونا طلع ليها نص كوباية مليان.

شوفنا في دول كتير صور وفيديوهات للحيوانات راجعة بتستكشف المكان بعد لما البني آدمين اختفوا، ومتاحف مائية بتعمل جولات لحيوانات مختلفة بدل الحبسة اللي هم فيها طول عمرهم، وأماكن تانية فتحت أقفاص حيونات وصوروا ده على الكاميرات.

في تركيا حصل نفس الحاجة، الناس شافوا دلافين قريبة جدا من الشط، بالتحديد في العاصمة إسطنبول عند البوسفور، المنطقة اللي دايما زحمة ومراكب رايحة وجاية، وبعد لما كان التلوث فيها عالى بيهدد حياة الأسماك لما البني آدمين اختفوا والدنيا راقت رجعوا الدلافين يعدوا من هناك، وطبعا اتاخدلهم صور، شوفت بقى إن في حاجات لطيفة وحلوة بتحصل.

المصدر: Euronews