share this article

طيران الإمارات أعلنت إنها هتشغل أول ممر biometric في مطار دبي، اللي هيستعمل التكنولوجيا الحيوية عشان يسهل على الناس إجراءات السفر ويخلي وقتهم في المطار مش جحيم. النظام ده هيستعمل تكنولوجيا التعرف على حدقة العين والوجه عشان يسمح للركاب إنهم يسجلوا وصولهم ويخلصوا إجراءات وصولهم ويعملوا boarding وكمان يخشوا استراحة طيران الإمارات بمجرد تمشيتهم في المطار.

الأجهزة الbiometric اتركبت خلاص يوم 10 أكتوبر في صالة طيران الإمارات 3 في مطار دبي، والمسؤولون أعلنوا إنهم جاهزين للتجارب على أرض الواقع.

الممر (أو النفق) الذكي تكنولوجيا حديثة هتخلي المسافرين ببساطة يتمشوا في نفق وبيانتهم الحيوية تتاخد وهما ماشيين ويتوافق عليهم من إدارة الهجرة والجوازات، من غير بقى لا موظف ياخد ويدي معاك ولا حتى ختم على الجواز. أول ما الاختبارات تخلص طيران الإمارات هيجربوا التكنولوجيا في حتت تانية في المطار زي وإنت بتعمل check in وفي الاستراحة وبوابات طلوع الطيارة وبعدين في بوابات الترانزيت. الخدمة دي متوقع كمان هتحسن الأمن وهتساعد الشركة تحدد مكان الركاب المتأخرين على طياراتهم وتساعدهم.

المصدر: Arabian Business