share this article

إنهاردة آخر يوم في أسبوع "جيتكس 2019" اللي بيتعمل في دبي، وبيشارك فيه حوالي 4500 شركة من 100 دولة عشان يستعرضوا أحدث ابتكاراتهم في عالم التكنولوجيا والذكاء الاصطناعي، واللي بدأ من يوم 6 أكتوبر في مركز دبي التجاري.

طبعا شركات وجهات خاصة وحكومية شاركت في الأسبوع ده في دبي، وكانوا بيعلنوا عن أجدد حاجات اتعملت واتنفذت بشكل عملي لتسهيل الخدمات للمواطنين، ومن ضمنها الإدارة العامة للإقامة وشؤون الأجانب اللي كشفت عن مشروع بيسهل إجراءات رحلة اللي بيسافر بالشراكة مع طيران الإمارات عن طريق استخدام الذكاء الاصطناعي في تسهيل إجراءات السفر.

فاطمة المزروعي، رئيس قسم دعم المشاريع الذكية في الإدارة دي قالت إن الخدمة دي هتسهل على المسافرين إجراءات السفر، واللي بيسافر مش هيضطر يستخدم أي وثيقة رسمية زي جواز السفر أو البطاقة، وإن التحقق من المسافرين هيكون عند الكاونتر الأول وهيكون من خلال تعرف الأجهزة الذكية عند بوابات العبور على هوية المسافر من خلال بصمة العين عن طريق الكاميرات.

 المصدر: العين