share this article

بعد العطلة والمشاكل اللي سببتها الأمطار إمبارح، واللي مطار القاهرة والطرق المؤدية ليه مسلموش منها، قررت شركة مصر للطيران إنها تعفي المسافرين على رحلاتها إمبارح من أي غرامات أو فروق تغيير مواعيد الحجز، بسبب إنهم ملحقوش رحلاتهم لأن الطرق المؤدية للمطار كانت يا زحمة ومتعطلة يا مقفولة.

وقالت الشركة في بيان ليها إن بسبب سوء الأحوال الجوية إمبارح والأمطار الشديدة، العملا يقدروا يراجعوا ويعدلوا حجوزاتهم عن طريق خدمة الـ call center الخاصة بمصر للطيران، أو إنهم يروحوا مكتب المبيعات الموجود بمبنى الركاب 3 وهو شغال على مدار 24 ساعة، أو المكاتب التانية المنتشرة في كل حتة في الجمهورية.

 المصدر: العين