share this article

إحنا قاعدين هنا بقالنا كتير أوي، ومش فاكرين إيه اللي بيحصل، واتسحلنا في مسلسلات رمضان، وتقريبا نسينا إن العالم بيواجه وباء، بس في ظل ما إحنا بناخد على قعدة البيت في ناس بتحاول تستعد عشان ترجع شغلها تاني وترجع العجلة تدور؛ الفنادق.

الفنادق بعد ما قفلت في أول ظهور الكورونا وعملوا حظر للموظفين واللي كان عيان اتعالج والكل روح بعد كده، دلوقتي عندهم أمل إنهم يرجعوا يفتحوا تاني، بس بعد لما الحكومة ترجع الطيران، بس اللي هيعمل كده محتاج يتبع 7 أساسيات حطتهم غرفة المنشأت الفندقية، وإتحاد غرف التجارة السبع محاور دول هم عبارة عن إجراءات وقاية وتعقيم عشان تضمن صحة العاملين والسياح، من أول لما النزيل يوصل لغاية ما يمشي هيكون فيه وقاية، ومتابعة لكل حاجة، الغسيل، الأكل، حمامات السباحة، المطاعم، الشاطئ والجيم؛ طبعا تسكين النزلاء ونسبة الإشغال هتختلف عشان يكون مفيش زحمة وهيفضل في تباعد إجتماعي وده أحد المحاور، يكون في لوحات إرشادبة في كل مكان، وطبعا توفير بيئة عمل تحمي الموظفين اللي هيكونوا بيلبسوا جوانتيات وكمامات، الفنادق كلها دلوقتي متعقمة طبقا لمعايير وزارة الصحة وجاهزة عشان تستقبل السياحة الداخلية والخارجية.

 

المصدر: Egypt Today