share this article

أخيرا بشرة سعيدة من عالم الطيران بدل ما كل اللي بنسمعه رحلات بترجع العالقين، طيران الإمارات قررت إنها هترجع تشتغل تاني، طبعا مش بكامل طاقتها فمش كل الخطوط شغالة لكن 9 خطوط بس، ودي بداية لطيفة على ما نشوف الأمور رايحة فين.

لندن هيثرو، باريس، ميلانو،مدريد، فرانكفورت، شيكاغو، تورنتو، ،سيدني، وملبورن، وكمان في رحلة ترانزيت في دبي من انجلترا لأستراليا، ركاب الرحلة دي يقدروا يحجزوا من دلوقتي بس لازم يكونوا وفوا كل شروط البلد اللي هم رايحين لها، طبعا ده بعد ما المطار استعد تماما بلوحات إرشادية، علامات على الأرض لمكان الوقوف، حواجز عند مكاتب إنهاء الأوراق، كل الطاقم والعالملين هيلبسوا زي واقي فوق لبسهم، الجوانتيات والكمامات مش حاجة اختيارية في مطار دبي دي إلزامية، في ماسحات حرارة في المطار، بالنسبة للطيارة بقى فمفيش أي مطبوعات ورقية، والخدمة هتكون ببرنامج معدل، ومش مسموح بأي شنط على الطيارة غير شنطتك الشخصية أو شنطة البيبي أو اللاب توب، وفي اتصالات مع قنصليات بلاد تانية عشان يرجعوا خطوط باقي البلاد لكن في وسط كل ده طيران الإمارات أهم حاجة عندهم سلامة العاملين والعملاء.

المصدر: الأنباء