share this article

اختيار أي بلد إنها تبقى على قوائم مجلات السفر أهميته بتزيد أكتر لما تبقى القوائم دي مبنية على ترشيحات ناس سافرت البلاد دي فعلاً ورجعت قالت أحلى كلام عليها، بالتالي بيكون الموضوع بناء على تجارب شخصية مش مجرد أرقام عن عدد السياح اللي بيروحوا البلد دي أو ليستة مزارات سياحية تروحها هناك وخلاص، ده اللي حصل بالظبط في قائمة Forbes اللي اختارت مصر تبقى رقم واحد ضمن أفضل 27 مكان للسفر في 2020

الاختيار ده كان بُناء على كلام ليكسي ألفرود، اللي من قريب اتسجلت في موسوعة جينيس للأرقام القياسية كأصغر بنت لفت بلاد العالم كلها وهي عندها 21 سنة، أعتقد يعني مفيش حد أحسن منها ينفع يقول إيه أحسن مكان الناس تسافر له، قالت "إن بعد لما لفت بلاد العالم، مصر أكتر مكان مش واخد حقه، بلد غنية بالثقافة والتراث، وأخيراً العالم بدأ ياخد باله منها بعد لما اتصنفت الوجهة السياحية الأسرع نمو من منظمة السياحة العالمية."

السنة الجاية بقى كل الأرقام مفروض تكون أعلى بكتير مع كل التوقعات بالتأثير الإيجابي بعد افتتاح المتحف المصري الكبيرالمنتظر، اللي هيكون أكبر متحف للآثار في العالم، والفرصة اللي كلنا مستنينها عشان نرجع نشوف رمسيس التاني بعد سنين محدش بيشوفه غير الناس اللي بيشتغلوا في المتحف.

المصدر: Forbes