share this article

بعد ما بقالنا 3 شهور العالم في أجازة، وكل الدول قاعدة بتراقب في بعضها مين هيعمل إيه لأنه مفيش حد فاهم إيه اللي بيحصل أوي، بس الوضع دلوقتي في دول كتير إن عدد الحالات بيقل أو معدلات ثابتة وبقى في إتجاه إننا لازم نتعايش مع الفيروس وبنحاول نشوف ده هيبقى إزاي.

اليونان من الدول اللي قفلت على نفسها بدري بدري وطبقوا حظر كامل ومشيوا على التعليمات والتزموا بيه، وده خلاهم يسجلوا 150 حالة وفاة بس، والأسبوع اللي فات في محلات بدأت تفتح، بس هم عندهم عامل تاني في الحسبة مهم، السياحة والأقتصاد، فاليونان 20% من دخلها معتمد على السياحة وتقريبا الكل شغله له علاقة بالسياحة وكانوا متوقعين إن السنة دي الأعداد هتزيد بعد ما السنة اللي فاتت وصلت ل31 مليون سايح، اللي هو أضعاف عدد الشعب اليوناني، رئيس الوزراء كرياكوس قرر إن السياحة هترجع من أول يوليو بس هيكون في إجراءات شديدة عشان سلامة المواطنين والسياح طبعا غير التعقيم ونسبة الإشغال الأقل والمسافات والتباعد في حاجات تانية، فكل الركاب وهم على الطيارة هيملوا ورق فيه بياناتهم الشخصية ورقم الكرسي عشان يكون سهل المتابعة لو أي حد طلع عنده كورونا، ولما هينزلوا هيعملوا تحليل في المطار بس دي نتيجنها بعد 12 ساعة، كرياكوس عايز إن الناس تكون بتعمل تحاليل قبل ما تركب الطيارة أصلا يعني في بلدهم واللي يركب هو اللي تكون نتيجته سلبية، كل القرارات دي بناء على الوضع دلوقتي لكن مفيش حد عارف إيه اللي ممكن يحصل تاني.

 

المصدر: CNN Travel