share this article

كلنا بقيت عنينا على ايطاليا فبعد لما كنا بنتابع الوضع أثناء الكورونا دلوقتي بقينا عايزين نعرف هي هتعمل إيه بعد الفيروس وإزاي هتتعايش معه، وكأن ايطاليا هي الأخ الكبيراللي بنجرب فيه كل حاجة، فهي من أوائل الدول اللي بدأت تفرض حظر كلي.

الأسبوع اللي فات الحياة بدأت ترجع لشوارعها بعد ما كانت مهجورة لمدة شهرين، ودلوقتي هم بيفكروا هيعملوا إيه في السياحة خصوصا إن دخلهم بيعتمد بشكل كبير على السياحة، منطقي ما هم عايشين في متحف كبير، والفترة اللي فاتت سمعنا كلام إن ايطاليا هتكون مقفولة ومش هتفتح للسياحة قبل 2021، بس جورجيو رئيس المجلس الأعلى للسياحة أكد إنهم هيفتحوا وإن اللي بيحبوا ايطاليا لازم ييجوا ويشفوها، وإن هم بيشوفوا دلوقتي إزاي السياحة تكون أمنة على السياح والمواطنين، وإنهم بيشجعوا على الأقل السياحة والحركة بين دول الإتحاد الأوروبي، وإن هم بالفعل فتحوا الحدود بينهم وبين سويسرا عند "كانتون تشينو" وإنهم هيفتحوا تلت نقط عبور تانية في أوقات معينة من يوم الإتنين ليوم الجمعة، إيطاليا مش أول بلد تاخد القرار ده لكن كمان اليونان هترجع تاني للسياحة من أول يوليو.

المصدر: Shengen Visa Info